أوبريت
النعيم العائم
فكرة الكاتب الكبير
توفيق الحكيم
أراد الكاتب الكبير توفيق الحكيم أن يقدم لكتاب جدد بالإتفاق مع مجلة الكواكب المصرية فى عام 1984/1985 فطرح فكرة مكونة من صفحات قليلة فى شكل مسابقة وترك الباب مفتوحا لمن يكملها وبعد تحليل صفحاته كان ابداعى فيما سيرد عقب هذه الفصول واشتركت فى المسابقة وكالعادة فى كل عمل اشارك فيه لم تعلن نتيجة المسابقة بشكل رسمى كما بدأت بشكل رسمى ولم تنشر حيثيات تفضيل عمل على آخر فأرسلت بالبريد المسجل فى حينه لمجلة الكواكب بأن الجزء الذى أتممته هو عمل خالص لى وأن الصفحات القليلة التى كتبها الكاتب الكبير كانت بمثابة مقدمة لكل إبداع يقدمه مشترك فى المسابقة ومن ثم فمن حقى طباعة الجزء الخاص بى والذى يمثل وجهة نظرى فى إستكمال الصفحات القليلة التى تعد على أصابع اليد للكاتب الكبير ومن حقى إستغلال الجزء الخاص بى ونشره بكل الطرق ولم يتم الرد على منذ عام 1985 وحتى تاريخ 18/10/2010 تاريخ كتابة هذه الديباجة والكاتب لو إنتظر عطف الآخرين لن يكتب ولن يبدع
تأليف
ناجي السنباطي
والمقدم لمسابقة مجلة الكواكب
عام 1985م
النعيم العائم
" النعيم الغائب "
تأليف :ناجي السنباطي
شخصيات الاوبريت شخصيات درامية وليست شخصيات حقيقية وكذلك الازمنة والامكنة لخدمة العمل فقط
أهم الشخصيات
1- المليونير الأول : عبد الباقي
2- السكرتيرة = الراقصة = جيجي
3- الصعلوك : سعداوي
4- فرقة البلابل
5- قبطان أعمى
- عشرة غلابة ( حسب أسمائهم )
7- عشرة مليونيرات ( حسب أسمائهم )
8- قبطان المركب
9- رجال إعلام
ديكورات مسرحية
- الشركة
- الشارع
- الفندق
- البحر
- المركب
***
السكرتيرة : تيجوا معايا
المليونير : على فين
الصعلوك : أيوه علي فين
السكرتيرة : أعرفكم بالناس الأمرا دول
المليونير : يعني بكام يساهموا
الصعلوك : آه المشروع كبير
السكرتيره : ثلاثة أربعة ... خمسه بس بشرط
المليونير : احنا فينا من شرط
السكرتيره : طبعا مش أنا اللي حاجيب الفلوس ... جريت شمال ويمين وماجبتش حاجة ... والصعلوك اللي معاك ... فرقع لوز .. أمين .. أمين
المليونير : خلاص بقى ... ما تنساش .. أنا اللي شغلتك مخصوم منك نصف شهر !!
السكرتيره : نص إيه
المليونير : ربع
السكرتيره : ربع إيه
المليونير : مع وقع التنفيذ
الصعلوك : خلاص بقى أنت وهو .. هو فيه مرتب أصلا !!
السكرتيره : بحسب ... وأنت لازما تحسبها
كويس ... الشرط نور
المليونير : اشرطي .. بس بهداوة
الصعلوك : إيوه بهداوة ... هداوة أوى
السكرتيرة : طبال .. عشنا وشفنا .. مليونير طبال .. والله بطلوه ده واسمعوا ده
الصعلوك : عيب يا انت ... المقامات لها احترام برضه
السكرتيره : أهو دا شرطي .. تقبل وإلا امشى
المليونير : بس هدى ... هدى اللعب شويه .. يا صعلوك .. أنا موافق .. بس أنا معرفش انقر
السكرتيره : أعلمك .. سهلة قوي .. الواد " أجوف " ... يعلمك
الصعلوك : وأنا ... ها اشتغل إيه
السكرتيره : قرداتي
الصعلوك : انتى عديت الحدود
السكرتيره : حدود .. حدود إيه يبتاع الحدود خلاص تشتغل مرماطون
الصعلوك : لا ... لا ... أنا لا أقبل ... كرامتي .. أنا اتبهدلت
المليونير : بطل بقه .... ما أنت عارف شغلتك من الأول وموافق عليها ..
صعلوك .. وتقب وتغطس نسيت
السكرتيره : وتغطس وتقب !
الصعلوك : إذا كان كده ما علهش ... أنا فكرت يعني فيه ترقية !!
المليونير : ترقية إيه بتاع إيه ... إذا كنت أنا بجلالة قدري .. ها أشتغل طبال ... فايش جابك يا صعلوك بين الملوك ... ثم احنا متفقين علي كده من الأول ... أنت صعلوك عندي .. فلما أنا أشتغل طبال ...تبقى أنت إيه
السكرتيره : يشد الطبلة علي النار قبل الشغل " تضحك باستهتار ".
المليونير : ويشيلها لحد بداية الشغل
الصعلوك : أنا خدام السيادة ... أيتها حاجة حاضر .. حاضر
السكرتيرة : كده يبقى كويس ... وعلى كل أنت ها تشتغل مشهلاتي
الصعلوك : يعني إيه ... اسهل كل حاجة
السكرتيرة : تمام ... تسهل .. تشهل .. كله ماشي
المليونير : لكن اعملي حسابك .. طبال أنا في الشغل وبس . لكن في مشروع اليخت رئيسك.
السكرتيره : رئيسي وتاج رأسي .. دا عشرة قديمة يا توتو
المليونير : توتو 11 ... ما علينا ... وفرقة البلابل
السكرتيرة : هي عملت بروفات كتيرة ... خلاص نكبر فرقه الرقص ... ونخليها معانا
الصعلوك : والمرتبات والأجور الإضافية .. لزما اللوائح تتغير .
السكرتيرة : احنا عملنا حاجة لسه .. كله يمشي زي القديم ... وخلاص بقه..فضوها سيرة وخلينا فى الى جاى .. هاتقابلوا .. ناس كبار ... أنا اللي هتكلم وما حدش يقاطعني ... وما حدش يجاوب اللي علي قد السؤال اتفقنا
الجميع : اتفقنا
السكرتيرة : يا للابينا
الجميع : بينا
***
" في احدى صالات الفندق الشرقية ، تتقابل السكرتيرة ومرافقيها مع اثنين من المليونيرات "
***
السكرتيرة : اتأخرت عليكم ( وهي تسلم عليهما )
توفيق بك : أبدا يا أفندم (المليونير الأول )
حسان بك : ابدأ يا أفندم ( المليونير الثاني )
السكرتيرة : أقدم لكم ... عبد الباقي بك .. مليونير زيكم .. ومدير المشروع
2 مليونير : تشرفنا يا عبد الباقي بك
عبد الباقي بك : أقدم لكم صعلوك .. أقصد سعداوي .. سكرتير .. سكرتيري
الصعلوك ( سعداوي ) : خدامكم سعداوي .. بتاع كله
السكرتيره : هو فعلا بتاع كله .. يسهل كل شىء ويشهل كل شىء .. خش في الموضوع
***
( المليونير يحاول أن يتكلم تسكته السكرتيره ، المشروع اللي كلمتكم فيه .. في صالة الرقص )
****
توفيق : في الحقيقة يا أفندم .. رقصك جنان .. يساوي مليون جنيه
حسان بك : في الحقيقة يا أفندم .. رقصك يساوي 2 أرنب
السكرتيره : مرسيه ... وإيه رأيكم في المشروع
2 مليونير : احنا عشان خاطرك ... نشارك في تعبية الشمس في قزايز ...
سعداوي : احنا كده ... نبقى عال يا بهوات ... عاوزين ننفذ المشروع
2 مليونير : واحنا حاضرين ... الهانم تقول .. شبيك واحنا نقول لبيك
السكرتير : طيب ... عبد الباقي بك ... يشرح لكم التفاصيل
( عبد الباقي ):
أنا اقترحت المشروع الحيوي ... ده
: من أجل الملايين الكادحة ..
السكرتيرة : احم ... احـم ... !!
عبد الباقي : اقصد .. أقصد ... أن يكون هدفنا قومي قدام الناس ... لزما يكون ... مشروع خيري ... لكل الناس .. عشان ما نتفهمش غلط
السكرتيرة : أيوه .... هو يقصد كده .... تغطيه يعني
الصعلوك : أمال ... لزما يكون كده
2 مليونير : نخش في التفاصيل
عبد الباقي : كل واحد يساهم باللي عنده .. ونشتري ، يخت ، يعني مركب نلف بيه العالم ... نعرض .. نتنقل ... ونجيب الناس الغلابة .. نحقق لهم اللي نفسهم فيه
السكرتيرة : احـم .. احـم
والصعلوك
عبد الباقي : اقصد نشغلهم فيه ..
الصعلوك : قصده ... يعني يشتغلوا ... كناسين .. جرسونات – مرماطونات صالعيك .. أيوه صعاليك ... زي ... زي ... زي كل محل تجاري .. اه .. كده تمام
2 مليونير : وفيه فايده في المشروع ده ..
السكرتير : المال ... كل واحد يساهم بمبلغ ... منكم ... ونأجره .. بالحته
2 مليونير : ويكون فيه رقص لـ ..
السكرتير : حتما
توفيق بك : يبقى أنت اللي هاترقصي
سعداوي : طبعا هي اللي هاترقص ..
عبد الباقي : وأنا اللي هاطبل ... أمال ... دا مشروع خيري ..
حسان بك : يبقى اتفقنا ، أنا هادفع نص مليون جنيه واخد 3 بوتيكات
توفيق بك : وأنا دفع مليون جنيه ، وآخد ست بونيكات ...
السكرتيره : وأنا نص مليون جنيه ...وأخد 3 بوتيكات ..
عبد الباقي : وأنا ... أناها أدفع نص مليون وأخذ 3 بوتيكات ...
سعداوي : وأنا ... وأنا طبعا ... المسهلاتي ... أنا المشهلاتي .. أنا الصعلوكاتي
الجميع : اتفقنا
السكرتيره : حضر العقود ... يا سعداوي
سعداوي : أمرك يا ست ....
" يسرع باخراج العقود "
السكرتيره : تفضل بالتوقيع .. يا توفيق بك ( يوقع )
تفضل بالتوقيع .. يا حسان بك ( يوقع )
تفضل بالتوقيع .. يا عبد الباقي بك (يوقع )
سعداوي : وقعي يا أفندم ( توقع )
" الجميع يتبادلون التهاني " ويقدمون الشيكات لعبد الباقي "
السكرتيرة : هانفتح حساب في البنك بكل المبلغ
عبد الباقي : وأنا سأتولي ، عمل الدعاية اللازمة .. بالتليفزيون والراديو و الصحف
سعداوي : وأنا هاوضب كل حاجة ... اليفط في الشوارع .. ترقبوا المشروع الخيري من أجل الكادحين ... مشروع اليخت الخيري .. اختيار الكادحين المثاليين .. في رحلة حول العالم .. رجال الخير يجتمعون علي الخير
2 مليونير-( بقلق )-- : بس ده ، هايخلي ، كل من هب ودب يركب اليخت ..
سعداوي : لا يا فندم .. احنا هانختار منهم .. اللي يقدروا يشتغلوا ... ونقولهم .. الشغل مش عيب ... من أجل المشروع الكبير
2 مليونير : عفارم عليك ... يامسهلاتي .. لأ .. مشهلاتي ... عندك لكل مشكلة حل
عبد الباقي : داتنقيتي ... اختياري ...
السكرتيرة : طبعا وأنا عاشرته كتير .. يلعب بالبيضة والحجر ... مفيش مشكلة ... تعصي عليه .. حتى بدل الرقص .. طورها وخلاها بسيطة وإنسيابيه .. بتحرك فيها علي كيفي ..
سعداوي : ميرسيه .. ميرسيه
عبد الباقي : ولسه ياما في الجراب يا حاوي ... عندنا فرقه البلابل ... شغالة بروفات علي ودنه .. رقصات إيه .. وغني إيه .. يا ما كان في نفسي ... رقصة الغزال .. يا عبد العال
سعداوي : ولا غناها .. محلا الجمال .. ما شي سايق الدلال
السكرتيرة : وأنا كل يوم بطور في الرقص .. رقصة الحصان .. ورقصة الديك الرومي ورقصة الوزة ...
2 مليونير : داحيبقى يخت هارون الرشيد .. ولا ألف ليلة وليلة ..
السكرتيرة : ولسه اللي جاي . هانعزم الناس المحترمين ... في حفلات علي الياخت .. والتذكرة .. هاتبقى بالشىء الفلاني ..
توفيق بك : طيب استأذن بقه .. علشان .. فيه صفقة جديدة جاي لي في المينا ..
حسان بك : وأنا وراي اجتماع مع مستثمر كبير ... لعمل مشروع تصنيع ( اللفت )
سعداوي : هو ( اللفت ) ، بيصنع ؟ !
حسان بك : آمال .. والكبر كمان !!
السكرتيرة : علي خيرة الله .. أشوفكم في حفلة الليلة
2 مليونير : طبعا ... أمال . احنا نقدر نسيب الهوا .. حتى لو الهوا سابنا
السكرتيرة : مرسيه ..
" يتبادلون السلامات "
السكرتيرة : شفتم بقى الرقص بيعمل إيه ..
عبد الباقي : عفارم عليكي يا جيجي ... بنت بحق وحقيق ..
سعداوي : والله يا ست جيجي .. أنت بنت أصول
السكرتيرة : بنت أصول .. بحق وحقيق . أصول الرقص !!.. فكرتم وفكرتم ... طعلتم بكام ...مفتشون ضرائب .. وقبطان أعمى
عبد الباقي : كفاية تأنيب يا جيجي
سعداوي : ما خلاص يا ست جيجي .. انتي البريمو
عبد الباقي : بس أنا ... أنا الأصل .. أنا المليونير .. أنا رئيسكم .. أنا صاحب الفكرة
السكرتيرة : علي العين والرأس والرجل كمان ..
عبد الباقي : الرجـــــــل
السكرتيرة : أمال .. الرجل ، مش هي اللي جابت كل حاجة ... قلى بقى .. عقلك جاب كام .. عقلك يساوي كام ... يساوي رجل .. ما يساويش .....
عبد الباقي : كفاية تهزىء .. يا جيجي .. العقل برضه زينة ... بلاش عقلي .. مش عقلك .. هو اللي فكر .. وقال بلاش سكرتاريه ؟ خليها رقص ..
برضك العقل هو اللي جاب .. وإن كانت السيقان هي اللي نفذت .. هي اللي رقصت ... برضه العقل
سعداوي : العقل أعمى .. يا عبد الباقي بك .. والرجل ... هي العين وهي العقل وهي كل حاجة ..
السكرتيرة : علي كل حال .. مقامك محفوظ .. يا عبد الباقي بك ... واحنا عاوزين المشروع ينجح .... لأن ده مصلحتنا كلنا ... لابد نستفيد من المشروع وغير حالتنا ... أنت شايف الشركة .. مش قادرة .. تصرف مرتبات الموظفين ... والعلاوات واقفة .. والشغل واقف .. مش أنت اللي فكرت في المشروع ده .. علشان تنشط الشركة ، وتجيب لها سيولة
عبد الباقي : أنا قلت أعمل حاجة من أجل الغلابة
سعداوي : غلابة إيه وأنت مش عارف تدفع مرتبات موظفيتك
عبد الباقي : أنت تسكت خالص ... أنت صعلوك .. أنت أراجوز ... فاهم .. أقولك شمال .. تقول شمال .. أقولك يمين تقول يمين .. أقولك لبن العصفور .. تطلع تجيبه حالا ... أقولك تولد البغل تولده .. أقولك ... لبس طاقيه ده .. لده تلبسه ... أنت نسيت ولا إيه
سعداوي أبداً ... أنا ما نستش .. بس إحنا في مشروع اليخت ... كلنا في الهوا سوا .. الكبير زي الصغير .. كل واحد له دور مرسوم والنواية تسند الزير .. زي المثل ما بيقول .. إذن لو خطر علي بالي ... خاطر لزما أقوله .. كده ولا إيه يا ست جيجي ..
السكرتيره : سعداوي معاه حق يا ريس عبد الباقي .. المهم الوقت ده .... نفتح حساب في البنك ونحط فيه كل الحساب .. والإيرادات اللي تيجي من الحفلات ... نحطها في الحساب ... ونصرف مرتبات لنا احنا التلاتة ...
عبد الباقي : احنا حناخد مرتبات
السكرتيرة : أمال ... وحوافز .. وأجور إضافية
سعـداوي : يا دي السعد ... يا سعداوي ... يادي الهنا .... يا أم سعداوي طابت واستوت ... وحان الأكل يا أكاله ...
عبد الباقي : اسكنت انت ...
سعداوي : سكتنا
عبد الباقي : بس الناس ها تقول إيه ..
السكرتيره : ما بسش .. أنا عن نفسي أخذ مرتب كبير ... غير الفائدة علي رأس مالي ... ثم تعالى هنا .. منين هاتجيب رأس المال ... يا عبدالباقى
عبد الباقي :بضمانتي
سعداوي : ما أتكلش عيش ...
(بسخرية )
عبد الباقي : اسكت أنت ... يا صعلوك ..
سعداوي : سكتنا
عبد الباقي : اذن بضمان الشركة ......
السكرتيرة : شركة مفلسة
عبد الباقي : ما تنسيش ... أن لها أصول وأن البنك فيه ضمانة للأصول ..
تعادل المبلغ
السكرتيرة : خلاص الضمانة ... تخش في مشروع اليخت ...
عبد الباقي : ماشى ... امرى لله ... بقيتي كل حاجة يا جيجي
السكرتيرة : ما انت حاتكسب برضه ...
عبد الباقي : المشروع خيري ... للغلابة والكادحين ....
السكرتيرة : ما تسيبك بقة ... من النغمة دي ... ما احنا غلابة ... واحد مليونير قدام الناس ... وهو في الحقيقة مفلس .... وواحدة سكرتيرة ... مش لاقيه مرتبها ولولا الرقص ... لجاعت ... وواحد وظيفته صعلوك ... مغمض عينيه وقافل ودانه وسادد بقه ... إلا نعمين ... نعمين .. يا حبيب العين ... لبن العصفور ... موجود في قدور .... توليد البغل ... شىء مقدور.. كله تحت أمرك يا نور العين ... المشروع مشروعنا ... مش مشروع الغلابه ... الغلابة دي تغطيه مواقف ازاي تدافع عنهم ... وأنت منشى وعايش حياة هاي لايف .. أزاي عايز تأكل عامل المجاري ... تفاح .. وأنت مش ملبسه .. حاجة تحميه من غازات المجاري ... أزاي عايز تركبه المركب ... وبيته مفيهش لقمة العيش..
عبد الباقي : خلاص يا جيجي ... يعني غلطت في المصحف .. الحياة مواقف .. وبعدين أنت ليه ... عايز تشيلي القناع .. اللي أنا حطه فوق وشى ليه تكشفي اللي جواي وأنا مراية لميع ... يشوفني الناس لميع ... واللي جواي ... جواي ... أنا بأعمل لعبة العمر ... تقومي أنت تيجي في دقيقة وتشرحيني وتكشفيني .. وتكشفيني .. وتكشيفني ... قدام مين .. الصعاليك .. واللى يسوى واللى مايسواش .
سعداوي : أظهر وبان علي حقيقتك .... صعلوك صحيح أنا ... لكن أنا عارف أني صعلوك ... صعلوك عند صعلوك .... ( بسخرية )
عبد الباقي : عيب يا ولد ... عيب يا ولد ... عيب تكلم علي أسيادك كده ...
سعداوي : ما خلاص بقى يا عم ... كلنا صعاليك
السكرتيرة : بس يا سعداوي ... كلنا في الهم سوى ... كلنا داء ووبال ... محلا سيرة الحلال .. أما تطلع من اللسان
تقول لبان
تقول لبان
( يرد عبد الباقي وسعداوي)
تقول لبان
أيوه كده ... فرفشوا .. احنا قدامنا شغل شغل كثير ... قوى ... شغل للصبح ..
سعداوي : للصبح يا ست .. للصبح يا ست
عبد الباقي : أعـد ... أعـد ... أعـد ... من تانــي ...
عبد الباقي : وعسل علي سمن ...
سعداوي : وعسل وسمن علي بصل !
عبد الباقي : طبعا انت البصل
سعداوي : بصل ... توم ... برنجان ... كوسه ... أهو كله ... تصدير في تصدير ... واستيراد في استيراد ...
عبد الباقي : والياسمين ... الياسمين الجميل ..
سعداوي : أنت كلك ... ياسمين في ياسمين يا عبد الباقي بك
عبد الباقي : شكـــرا
سعداوي : ولكن تحت الياسمين ....
ريحة السردين ....!!
عبد الباقي : عيب يا سعداوي ...
سعداوي : حبكت يا عبد الباقي ... بك
السكرتيرة : نخش في الجد شويه ... لعبنا ... لعبنا .. وجه وقت العمل .. توزيع المهام .. نبتدي منين
عبد الباقي : علي الإيداع والصرف
سعداوي : واللهف !!
عبد الباقي : اسكت يا صعلوك !!
السكرتيرة : وأنت يا سعداوي ..
سعداوي : مسهلاتي ... مشهلاتي ... مصعلكاتي .. دعاياتي .. كل حاجة
السكرتيرة : وحفلاتي ... حفلاتي كبير !!
سعداوي : كبير قوي
السكرتيرة : تعلم الفرقة ... الرقص ...
سعداوي : الرقص والخبص كمان
السكرتيرة : عيب الرقص بس..
سعداوي : الرقص بس
السكرتيرة : وأنت يا عبد الباقي ... تتمرن علي الطبلة .. قدامنا شهرين في الرقص في الفندق .. وتدريب فرقة البلابل ..
عبد الباقي : حاضر .. ما باليد حيلة
السكرتيرة : وأنا علي الرقص .. في الفندق .. وفي اليخت .. وفي دعوة الأكابر
سعداوي : خلاص أكابر .. أكابر .. وطظ في الأصاغر
السكرتيرة : ما احنا برضك حندعي الأصاغر
سعداوي : سفرجية ..
عبد الباقي : مرماطونات
السكرتيرة : كناسين ... جرسونات
الجميع : لكن قدام الناس .. هم الأساس .. أصحاب مقامات ... تكريمات
( ينصرف الجميع )
( صالة متسعة داخل الشركة ، وفرقة البلابل ، في بروفات مستمرة ، يقوها عبد الباقي ، ويساعده سعداوي )
سعداوي : التمارين الرياضية ، هي الأساسي في تكوين التناسق بين الحركات – ثنى – مد – الصدر إلي أعلى- القدمان في حركة رقيقة تكاد تلمس الأرض – علي أطراف الأصابع – المجموعة جميعها – في شكل واحد ...... انبساط – انقباض – شهيق – زفير – ثنى الجزع إلي الأمام والى الخلف .. وإلي أسفل والى اعلى في تكوين انسجامي ...القيام ثم الانبطاح ثم محاولة القيام – البسمة علي الشفاة – التناسق في الحركة –
موسقى – موسيق يا بيتهفون !!
عبد الباقي : أعطيه موسيقى ... موسيقى حالمة .. ثم ارفع تدريجيا .. تمام لا نريد نشاذ في الأداء ... تمام بيتهفون – انده علي الست يا سعداوي ..
الموسيقى تدخل سريعا وتتحول إلي نبضات عاليه الصوت ... عندما تدخل الست ..
سعداوي : خش يا ست جيجي ... خشى برجلك اليمين
جيجي : الشمال – اليمين – اهه كله دخول يا خويا ...
سعداوي : علي رأيك .. أهو كله رقص ... الموسيقى في تلائم مع الرقصة يا سادة .. هوب ... هوب .. هوب .. هوب ...
عبد الباقي : تمام ... بلابل يصحيح .. مش غربان
فرقة البلابل : طب زود ... زود في العلاوات ... طب زود واحنا نزود في الرقصات طب زود .. زود في العلاوات .. زود واحنا نزود في البسمات
سعداوي : خلاص البيه هايزود .. أدوني كمان وكماني .. الفرحة ما هش سايعاني بروفة أوى عاجباني
عبد الباقي : هانزود في العلاوات ونزود في الشربات ما خلاص الفقر اهو مات والشهر قوام أهوفات – هانزود في العلاوات – ونزود في الشربات
فرقة البلابل : زود ... زود ... زود
سعداوي : أدوني أكتر .. أدوني أكتر
عبد الباقي : أدوه أكتر ... أدوني أكتر
فرقة البلابل : لما بدا .... يتلوى .. الرقص ... بلا مغنى .. كالحب بلا معنى .. والزفة ... بلا شنة .. وأهو .. داحالنا لما بدا يتلوى
عبد الباقي : عظيم ... عظيم ... عظيم .. عظيم يا جيجي ... عظيم يا فرقة البلابل ... فركش .. يا صعلوك
سعداوي : فركش
( تنصرف فرقة البلابل ويظل الثلاثة )
عبد الباقي : كنت هايلة ياست جيجي
جيجي : مرسيه يا عبق
وهي تجفف عرقها
عبد الباقي : إيه عبق .. عبق أيه بقه
جيجي : بدلعك .. عبق .. عبق .. عبد الباقي .. عبق العطور ريحة مسك وفل وياسمين
عبد الباقي : آه ... إن كان كده معلهش ... أنا أفتكرتك بتهزئيني !!
جيجي : ما خلاص .. مفيش تهزيئ .. التهزيئ ... للواد الصعلوك
سعداوي : جرى إيه بقه ... يا ست هانم ... وأنا بقول عليكي ... أجدعها راقصه .. رجليك وهي بتضرب علي الأرض .. زي أيديك..
أيام زمان وهي بتضرب علي الآلة الكاتبة ... وزي صوتك أيام زمان وهو بيرد علي التليفون ..
جيجي : ميرسيه بيكــو !!!
عبد الباقي : بيكو ... ليكن.. المهم الشغل ابتدا والكادحين ... العارقين سوف يتمتعون برحلة سعيدة .. إلي جزيرة النعيم ....
سعداوي : ما قلنا سيبك ... يا عبق .. بقه .. من حكاية .. الكادحين
عبد الباقي : سيبك إيه ... وهباب إيه ... أنت لسه ... سنة أولى .. سنة أولى ابتدائي واضح ...هنا مخ .. مش مهلبية ..
جيجي : شوقتني يا عبق .. في المهلبية ... و الرز بلبن .
سعداوي : وطبخ الملايكة ... وأحلام ملائكيه
جيجي : خلينا في الجـد ... عملت إيه في الإعلانات ... يا عبد الباقي بك
عبد الباقي : كله نزل في صفحة ... وفي ربع وفي تمن كله حسب الجرنان ...
سعداوي : وفي سطرين وفي تلاتة ... وفي يافطتين وتلاثة وأربعة وخمسة ..
لفينا البلاد .. وفي مشهدين وتلاتة ... وفي دقيقة .. وفي ثانيتين.. وفي مسمعين..وتلاتة .. غطينا بالتليفزيون وباالراديو
جيجي : كويس قوي ... وصحف المعارضة
عبد الباقي : والقومية والمتحدة والمنفتحة .... !
جيجي : وقبضتم كويس
سعداوي : كويس قوي .. كويس خالص ...!!
عبد الباقي : أسكت يا صعلوك .. هي بس اللي تقول .. كويس .. كويس خالص
سعداوي : وأنا أقول إيه ....
عبد الباقي : تقول أنا طرطور
سعداوي : كويس أنك قولت علي نفسك كده
عبد الباقي : أقصد ... أنك طرطور ...
جيجي : سيبونا من الهزار ... وأنت رفعت المقامات .. يا صعلوك علي الأخر
سعداوي : ما احلنا قولنا ... شغل المشروع غير شغل الصعلكة اللي احنا متفقين عليه
عبد الباقي : في الحقيقة .. أنت لخبطت الاتنين علي بعض
سعداوي : ما أنت لخبطت .. كلامك عن الغلابة علي كلامك عن المليونيرات .. لخبطت عرق الكادحين .. بعرق المليونيرات
عبد الباقي : ما كنتش دي تفريغة نفس ... يا بوز الإخص ... هاتمسك هالي ذله
وبعيدن .. أنت تقف عند حدك .. ومهمتك تقب وتغطس ..
سعداوي : وأغطس وأقب ..!!
جيجي : تمام يا سعداوي .. المهم كله ماشي تمام ... واحنا ما شيين عال العال .. وأحسن إعلان ... إعلان اختيار عشرة من الكادحين ..علي اليخت .. ورسم الاشتراك في المسابقة جنيه واحد ... وإعلان اختيار أصحاب الخير ورسم التذكرة 1 جنيه ... دا جميل قوي
سعداوي : تصدقي يا ست .. أن التليفونات من الصبح بترن ... آلاف .. مؤلفه
عاوزة تفوز بالرحلة ..
عبد الباقي : خلاص همتك يا بطل .. تستلم الرسوم وتسجل الأسماء .. وحالة كل واحد الاجتماعية ..
سعداوي : دا عاوزه جيش ، يقوم بالعملية دي
عبد الباقي : معاك فرقة البلابل .. هم هيقعدوا آكلين .. شاربين .. بطالين
جيجي : ما هم بيعملوا بروفات
عبد الباقي : لا ... ما احنا بنعمل بروفات .. وانتي بترقصي وأنا باخرج
سعداوي : وأنا بسهل
جيجي : طيب يساعدوك يا سعداوي وكله بتمنه
سعداوي : لسه برضه العملية ... عاوزه عدد كبير ..
عبد الباقي : يا سيدي أنتم عليكم .. الحاجات الأولية .. تفرغوها في استمارات وبعدين .. هندخلها الكمبيوتر ..
سعداوي : هو حصلنا .. !!
جيجي : وما له الكمبيوتر .. أهه .. بيسهل العملية !!
سعداوي : أمال أنا بأسهل مين ... !!
عبد الباقي : كل واحد منا بيسهل حاجة ... لزما نستفيج بكل الطاقات ...
جيجي : طيب اتفقنا .. ما تنساش .. أنت يا عبد الباقي وأنت يا سعداوي ..
ان الواد أجوف .. جايلكم ... علشان يعلمكوا ... دروس الطبلة وأناها أروح أستريح شويه ... عشان الساعة ستة .. جايلنا الصحفيين ورجال الإذاعة والتليفزيون في مؤتمر صحفي .. وبعدين ورانا اجتماعات كتيرة ...
عبد الباقي : خلاص ... بقيت .. سنيد ياست ... مش قلنا ... بلاش كده ..
سعداوي : قعد ساكت بقه ...
جيجي : دا شغل يا عبد الباقي ... اللي تكسبه به ... العبه ... واللي يجيب القرش..
سعداوي : يصيح هو الكرش
عبد الباقي : لسانك ده هيوديك في داهية يا سعد ... اوى .. أن مجه يوم اللي أأدبك فيه ... ورجعك .. صعلوك تاني ...
سعداوي : يا هنا لما تعيش ولا لمانعيش " عشتمني بالحلق ... خرمت أنا وداني ما لقيت الحلق .. وقلت آه ياني .. مشيت وراك .. أول وتاني ... قلت انت صعلوك ... وأنا إنسانى ... قلت ماشى صعلوك وأنت مناني ... لكن يا خسارة .. طلع نئبي علي أشوان ..
عبد الباقي : صعلوك ولو ضفروك بالدهب والياقوت ... يا لله بينا .. علي الصالة الأستاذ .. أجوف وصل
" يستمرون في التدريب ".
" صالة الفندق الغربية – مرة أخرى .. وجميع من الصحفيين ووكالات الأنباء ومندوبي الإذاعة والتليفزيون المحلي والعالمي .. وما هي إلا دقائق .. حتى تتقدم .. الراقصة جيجي .. ومساعديها عبد الباقي وسعداوي وتدوي القائمة بالتصفيق .. وتدور عدسات وكاميرات الصحافة والتليفزيون .. وتتعها الأسئة
أيها السادة الأكارم المحترمون ، ان اجتماعنا اليوم ، من أجل مشروع قومي وهو الترفية عن الغلابة والمساكين من أبناء هذا الشعب الكريم ، ولقد وجدنا أنه من الملائم أن نشعرهم بحياة أفضل ، وأن نعطيهم ما أخذه منهم الحرمان وما أخذه منهم الفقر والمذلة والمسكنة والمرض والجهل والأمية المتفشية وغير ذلك من امراض المجتمع وقد تصدي لهذا المشروع ، رجال كرماء ، يحسب حسابهم في المجتمع ، ويشار إليهم بالبنان ونخص منهم السيدة الكريمة الراقصة المعروفة جيجي التي آلت علي نفسها أن تحتضن هذا المشروع وأن تسهر عليه وأن ترقص له في عدة حفلات خيرية وأنا الفقير إلي الله وإليكم المليونير عبد الباقي عبد الباقي وهذا الزميل ساعدي ، الذي فعل ما يفعله الصعلوك وأسمحوا لي بهذا التعبير من أجل نجاح هذا المشروع وأخص بالذكر " الوجيهين " توفيق بك ، صاحب الشركات المتعددة المعروفة ، والتي تغطى أعمالها كافة المجالات وكافة البلدان ، وحسان بك ، المستثمر العظيم .. وصاحب الشركات الاستثمارية المشتركة .. المنفتحة علي الداخل وعلي الخارج ...فقد ساهما في المشروع مساهمة فعالة لا يقدر عليها إلا الأقوياء .. ونشكر من سيتفضلون بالمساهمة فيما بعد والمشروع ناجح من اساسه ... إذ أننا سنثتمر راس المال في هذا المشروع و العائد منه يعود علي الملايين من الكادحين ، وسنوفر رحلة لعشرة من الكادحين وعشرة من المستثمرين إلي جزيرة النعيم بالبحر الأبيض وسنبعد عن مواطىء الحروب في ذهابنا وإيابنا ، فنحن لا ناقة لنا فيها ولا جمل !! وإنما هدفنا هو الإنسان الكادح وأملنا هو التقريب بين أصحاب الملايين والكادحين .. أو كما يقول المثل (المليان يكب علي الفاضي ) ...
والسلام عليكم ورحمة الله وبركاته ،،
( تصفيق )
والأن أقدم لكم الراقصة ( جيجي )
تصفيق حـاد
**جيجى:
أشكركم علي هذه العاطفة النبيلة .. وهذا المشروع القومي .. الذي هو من بنات أفكاري وبنات أفكار عبد الباقي بك ، ونخبة من أفاضل القوم ..
ولقد رقصت من أجله .. وسوف أرقص وأرقص حتى أتمه ..!! حتى ولو مت رقصا .. في سبيله يهون كل شىء .. وينجح المشروع .. وسوف أكافح من أجله .. ولن أترك صالة رقص.. إلا وأرقص فيها .. حتى لو كلفني ذلك .. جسدي ولو كلفني ذلك ... كل عضلة .. تهتزمني وتجهدني .. أنه مشروعى ..انه جسدي .. وله رقصي وله رقصي . وله رقصى !! والسلام
( تصفيق حاد )
سعداوي : أسمحوا لي أن أقدم نفسي
عبد الباقي : كفاية بقه ... يا سعداوي .. كفاية
( يشده من الخلف )
جيجي (تهمس فى أذن عبدالباقى ) : سيبه يا عبد الباقي – مش هو التالت بصعلكته .. وغطسه وقبه ..
سعداوي : اسمحوا لي .. أن أقدم نفسي أنني تشردت من اجل المشروع ... وأنني هنت نفسي من أجل المشروع .. وإنني تصعلكت من أجل المشروع .. أنني صعلوك المشروع أنني صعلوك المشروع .. اهتفوا ورائي
ليحيا المشـــــروع
( يرددون الهتاف )
وليحيا صعلوك المشروع
( يرددون الهتاف )
وليحيا الجميع
والأن لنفتح باب الأسئلة
الأسئلة مكتوبة من فضلكم
سنرد علي الأسئة المكتوبة فقــط
***
**-ورد إلينا سؤال من مراسلة وكالة الغوث الملهوف تسأل الراقصة ( جيجي ) أين تعلمت الرقص؟ وهل ساهمت من قبل في حفلات تبرعية وقومية ؟
- أولا ، أحب أن أشكر الأخت المراسلة ، وأنا تعلمت الرقص بالسليقة ، والحاجة أم الاختراع ولقد ساهمت في حفلات كثيرة من قبل
-**- كما ورد سؤال من مراسل اتحاد المليونيرات العالمي ، يسأل هل ستطبق الضريبة علي أرباح المشروع ؟
- الأستاذ عبد الباقي يرد .. يبدو أن صاحب السؤال مفتش ضرائب !!
( ضحك )
المهم أن أموال المشروع معفية من الضرائب . لأنه مشروع قومي وخيري
- **-سؤال عن مجموعة ، تمثل التليفزيون والراديو والصحافة
- هل يمكن نغطي الرحلة المزعومة
- أوى .. أوى .. بس تختاروا .. واحد يمثل الصحافة وواحد يمثل الراديو وواحد يمثل التليفزيون.
- أجنبي ولا محلي ...
- مين ده علي ده ... مولد يعني !!
- ** ما هو رأس المال المتوقع ؟
- حوالي عشرة مليون جنيه
- **كيف يختارون العشرة من الملايين والعشرة من الكادحين ؟
- بالقرعة .. عن طريق الكمبيوتر فنحن نستخدم كل من يسهل مهمتنا ا
- ** هل تقدم أحد حتى الآن للمشاركة في الرحلة أو للمسابقة
- نعم تقدم الآلاف .. وحتى لحظة انعقاد المهرجان .. بلغ عدد المتقدمين للمسابقة 5 مليون نسمة ..
- **وهل ستسطيعون .. تغطية رغبات العدد الهائل من البشر ..
- كله بالقرعة المحايدة .. وعن طريق الكمبيوتر ..!!!
- والرحلات كتيرة والمشاريع الخيرية كتيرة ..
- **بالنيابة عن الصحافة وعن الإذاعة وعن التليفزيون والمراسلين الأجانب والمحليين ، نشكركم ونتمنى لكم التوفيق ،،
- نشكركم وموعدنا الحفلة
( تصفيق – وعدسات وكاميرات – وفلاشيات )
بعد انتهاء المؤتمر بساعتين ، أي حوالي الساعة الحادية عشر بدأت حفلة الرقص التبرعي من أجل المشرع والتذكرة بـ 20 جنيه واستمرت الحفلة حتى الصباح ... وتكررت الحفلات .. حتى مر الشهران وتكون لدى جيجي مليون جنيه .. غير رصيد الحفلات من التبرعات وخلافه .. وشكل مجلس إدارة من الثلاثة.. داخل الشركة .. الثلاثة يجتمعون
جيجي : كله عال العال .. وجمعنا مال حلال
عبد الباقي : حلال في حلال .. حلال بلال حلال
سعداوي : مايه المايه حلال في حلال
عبد الباقي : حساب المشروع مايه المايه ونسبتي في حسابي الخاص 40%
جيجي : ونسبتي في حسابي الخاص 50%
سعداوي : ونسبتي في حسابي الخاص 10%
ولوانها .. قسمة ظالمة قوي .. أنا .. اللي في وش المدفع 10%
عبد الباقي : الناس مقامات .. يا صعلوك
سعداوي : صعلوك حتى في النسبة !!
عبد الباقي : أمال ... أنت بتفكر ؟! انا بفكر !! ... أنت بترقص .. هي بترقص !!
الفوائد علي المبلغ كله .. بتتحول لحساب خاص .. وبعدين بنقسمها بالنسب المذكورة .. ورأس المال زي ما هو .. تحت حساب المشروع .. رأس المال .. زي إيه
سعداوي : زي ما هو
عبد الباقي : زي ليه يا جيجي
جيجي : زي ما هو يا عبد
عبد الباقي : والحجز أتكمل للرحلة .. البوتيكات كلها اتأجرت .. وعرفنا عمولتنا عن كل بوتيك .. واخترنا العشرة المليونيرات .. اخترناهم برضك بايه .. بالنسبة واخترنا العشرة الكادحين .. واخترناهم ... برضك بايه .. بالنسبة
سعداوي : لا وأنت الصادق .. بالبطيخ
جيجي : تقصد بالبرنجان
عبد الباقي : تقصدوا .. بالكوسة ... طيب خليكو .. مكانا ... المتقدم عشرة مليون .. نعمل إيه .. الكمبيوتر .. عبناه .. أسماء .. زرجن !!!.. قلنا نعملها قرعة عادية .. طلع لنا عشرة .. بالصدفة البحتة .. طلعوا قرايب ناس بتشتغل عند العشرة المليونيرات
جيجي : ورغم ذلك .. هم فقرا كحيتي ..
سعداوي : فقراء قرايب فقرا .. عند ناس أغنية
عبد الباقي : دي معادلة دي ؟! سهل حلها ... الناس الفقراء اللي عند الناس الأغنية .. داقوا النعيم .. ولا لأ
جيجي : داقوه
سعداوي : أحيانا
عبد الباقي : المهم . داقوه .. طيب يشعروا أكثر بالحرمان ولا اللي ماداقوش خالص
جيجي : يشعروا بالحرمان
سعداوي : ويمكن يشعروا بالسعادة .. لأنهم كلوا حتة من الفطيرة .. أقصد الوليمة أقصد الطبخة
عبد الباقي : يعني هيكونوا حقودين عليهم.
جيجي : ويمكن ما يقدروش يعملوا حاجة وأهم عايشين
سعداوي : إذن في كل الأحوال .. بطنهم شبعت
عبد الباقي : عال ... كده عال قوي ... يبقى أقارب الفقرا اللي هم عند الأغنية فقرا محرومين .. خالص
جيجي : تمام
سعداوي : تمامين
عبد الباقي : يبقى هم بيمثلوا الكادحين مائة / مائة
جيجي : تمام ونصف
سعداوي : سبع تمامات
عبد الباقي : يبقى الاختيار سليم
سعداوي : واحنا فعلا هانروح جزيرة النعيم ؟
عبد الباقي : أمال ... علي طول ...!!!
جيجي : والعشرة الفقرا .. هانريحهم ونشغل العشرة المليونيرات
سعداوي : المفروض كده
عبد الباقي : ما قلنا كده ... قلتم طلعوه من هدومه ... المفروض يكون كده ... لكن الواقع ... غير المفروض ... المليونيرات اصحاب بوتيكات ... في الرحلة ... يحصل صفقات .. يتم تهريبات ... يتم تبادلات .. يتم معاملات .. نأخد نسبات!!
سعداوي : والغلابة .. يشتغلوا في الطاحونة ..
عبد الباقي : في الطاحونة .. ما هو ... كلنا في الطاحونة ... ونقولهم ... العمل شرف .. العمل واجب ... العمل كفاح وكفاية هايتمتعوا بالرحلة ...
هاينهبوا يعني ... ونقولهم ... أن تكريمهم برحلة ترفيهية .. مش معنا... أنهم ما يشتغلوش .. لابد يتعاونوا في الشغل ..!!!.
جيجي : طبعا اليخت جاهز من زمـان
عبد الباقي : لسة فيه شوية تشطيبات ... وديكورات والذي منه
سعداوي : حقيقة .. أصبح نجفه ... قنديل في البحر .. طول بعرض ...
جيجي : البركة فـي ...
عبد الباقي : يذكر الفضل لفله .. حقيقة جيجى ضغطت علي سفير دولة ... المارينطوز لحد ما وافق يبيع السفينة الحربية دي.
جيجي : أنا ضغطت ... ضغط ... لحد ما قال مش ممكن ... مش ممكن .. داشرف دولة المارينطوز ... قلت له وحياتي عندك .. دا مشروع خيري ... ولازم دولتك تساهم فيه ... تدينا المركب .. بالتمن .. والتمن المريح ... قالي وإيه اللي يريحك ... قلت له ... نصف مليون جنيه ... قالي ... سيبيني أفكر ، روحت بايساه من هنا ومن هناك ... قالي .. أنا فكرت .. المركب هدية من دولة المارينطوز .. رحتن واخدة منه ورقة البيع ... وجرى .. وثقتها لصالح المشروع.
سعــداوي : والنســب
عبد الباقي : النسب في الإصلاح .. المركب .. ببلاش ... والإصلاح بالشىء الفلاني ... وقلنا بلاش في الشرا ... خليها في الإصلاح ... وقلنا بلاش النوبة ... وبلاش النوبة وبلاش النوبة
المجموعة :تردد : وبلاش النوبة ... وبلاش النوبة ومرة كمان وكمان نوبة ونقول التوبة التوبة – التوبة
جيجي : يعني كله تمام ... التمام
عبد الباقي : حاجات بسيطة
سعداوي : ونولع الثريات الكبيرة
جيجي : حفل الافتتاح .. هيكون ابهة لزما كل شىء علي الملى وبالمللي
عبد الباقي : كله بدقة .. بدقة بالغة ... امال ... داشقى العمر ...
جيجي : والقبطان .. عملت فيه إيه ..
عبد الباقي : دابقى قبطان بحق وحقيق .. مش براني زي القبطان الأعمى ...اللي جابه صعلوكنا
سعداوي : ما أخيب من ستي الا سيدي
عبد الباقي : قصدك إيه
سعداوي : بكره ... نشوفه ونحكم
عبد الباقي : أصلي ... مضمون ... عشر علي عشرة
جيجي : المية تكدب الغطاس
سعداوي : كلام جميل .. التجربة المحك الحقيقي
جيجي : لازم نحكه !!!!!!!!!!!!!!
سعداوي : أيوة لازم نحكه !!!!!!!!!!!!
( طرق علي الباب )
عبد الباقي : جبنا سيرة القط ...جه ينط ( يفتح الباب ويدخل القبطان )
( من بعيد فى الخلفية : صوت تدريبات فرقة البلابـــــل وهم يغنون )
لو أنت فأر ... أنا قطة
أكلــك ... وما يجيني زغطة
وأعلمك ... شغل النطة
حــطه ... حطة ... يا أكل القطة
***
سعداوي : هو ده الكابتن
عبد الباقي : أيوه ... هـــــو
جيجي : طويل وعريض .... زي الحيطة ...
سعداوي : وأنتي الصادقة .... زي الضرفيل
القبطان : سلامكو عليكم
سعداوي : لو سمحت تقلع النظارة ...
عبد الباقي : لا .... مفتح ... مش زي صاحبك !!
سعداوي : أنت بتتكلم عربي مكســر
القبطان : أنا أعرف عربي مكسر ... طول حياتي في بحر ....
جيجي : لزما بحر إنجليزي !!
سعـداوي : تعرف تقولنا ... رحـت فيــن ...
القبطان : لفيت بلاد وبلاد ... وموجه تشيلني وموجه تحطني .. وموجة طيبة رقيقة ... زي البنت اللطيفة وموجه .... وحشة ... قوي ..زي أم قويق
سعداوي : إيه اللي عرفوا بيها ؟؟!!!!
القبطان : أنا زي .... زيك .. بس بحـر ... خلاف ... زمان ... طويل قوي ...
جيجي : والسمك الكبير والصغير ؟؟!!
القبطان : الكبير ... يأكل الصغير !!... لكن الصغير .. بيتعلم ... يعرف يستخبي كويس .. كمان ممكن سمكة صغيرة ... تخش بشوكها ... جـوه ... زور ... سمكة كبيرة ... تقفله !!.. سمكة كبيرة لازم تموت ...!!
سعداوي : دخلت معارك قبل كده ..
قبطان : دخلت معارك مع أسماك قرش كبير ... معارك عنيفة .. صعب .. خالص .. دم ... كتير ... هو يحب الدم ... بس مركب بتاعي كان جامد وبحار بتاعي .. كان جامد ... وربنا ستر
جيجي : نظرك كام
قبطان : ست علي سته
سعداوي : يعني تقدر تشوف لقدام
قبطان : زي زرقاء اليمامة ... أشوف بعيد .. أشوف حتى عـدو ..
جيجي : تحب الأرض
قبطان : أحب البحر
سعداوي : البحر ؟! .. والأرض .. الخضرة .. والناس واللمة
قبطان : الأرض زي البحر .. فيها الكبير والصغير .. فيها الغريق وفيها الدريك ..
فيها كل شىء موجود في بحر .. فيها صراعات .. فيها خناقات .. بس بحر كبير ... تبعد ... بعيد .. جوه البحر ... سكون .. هدوء... حياة .. أسأل مجرب .. بحر .. نعيم .. أرض .. جحيم !!..
جيجي : تعرف تسوق مركب كويس ... أيديك علي ( السكان=الدركسيون =عجلة القيادة) تمام ... مائة / مائة
قبطان : دي شغلتى ... ما تخافيش يا هانم ... ((كابتن .. إيه ون ))
سعداوي : وأن تهت بينا
قبطان : أنا لازم انتحر !!
جيجي : ولو الريح لعبت بيك
قبطان : أنا لازم انتحر !!
عبد الباقي : ولو الموجه خنتك
قبطان : أنا لازم انتحر .. !!
أنا أعرف بحر عمر طويل ... وأنا صبي صغير .. صبي ميكانيكي .. في عنبر آلات .. جوه المركب .. خطوة .. خطوة .. انا اصير ريس بحارة خطوة .. خطوة .. أنا أصير ملاح ... خطوة .. خطوة أنا أصير ربان أعالى البحار
جيجي : بتشرب
قبطان : طبعا !!
سعداوي : يمكن تدوخ
قبطان : ابدا أبدا .. أشرب محيط !!
عبد الباقي : رأيكوا إيه ياجماعة بقى ؟!1 ...... موافقين ؟!!... وهوه موافق علي الراتب ... وعلى كل شروطنا
ومالهش دعوة .. إلا بالقيادة !!!!!!!!!
جيجي : موافقة ... أحسن من الأولانى
سعداوي : علي الأقل ... أهو مفتح .. مفتح قوي أو بيبكش علينا قوي ...!!
عبد الباقي : علي بركة الله .. أنت كابتن لازم تكون موجود .. حسب ميعاد اتفقنا عليه
قبطان : أوكيه ... أوكيه ... باي .. باي .. باي
الجميع : باي .. باي .. أمانشوف .. أما نشوفك .. يا خواجة .. نقصد زي .. زيك .. أنا زي زيك .. ( ضحك )
( نفس القاعة بالشركة ، وحوار يدور حول تشطيب الياخت وحضور الممثلين لأصحاب الملايين والكادحين ).
السكرتيرة : خلاص يا عبد الباقي ، الياخت جاهز
عبد الباقي : جاهز مما جميعه
سعداوي : آخر جهزان
السكرتيرة : حفلة الافتتاح زي ميعادها أول الشهر
سعداوي : زي ميعادها تمام .. احنا بنحافظ علي المواعيد ..
عبد الباقي : أمال .. مواعيدنا زي الساعة .. قلنا الافتتاح أول الشهر .. التزمنا تمام .. عشان تكون صادقين
سعداوي : مش زي مواعيد التسليم .. إلا دي مواعيد !!
السكرتيرة : تتأجل المواعيد من شهر للتاني ومن سنة للتانية
عبد الباقي : احنا حاجة تانية يا عزيزتي .. لزما كل شىء يبقى ماشى بالتمام حسب الخطة.. داحنا رجال أعمال !!
وسعداوي : ومن قواعد رجال الأعمال .. الانفتاح في المواعيد أقصد الافتتاح في المواعيد !!!
السكرتيرة : وزي الرقص بتاعي تمام .. في المواعيد .. الساعة 11 افتتاح ... فواصل شرقية .. فتح شهية .. ثم هلم جرا .. الساعة واحدة .. قفلة غربية
عبد الباقي : ممكن نبدأ نستعرض المختارين
سعداوي : نبـدأ
السكرتيرة : إيه رايكم نبدأ بالكادحين
سعداوي : بعد إذن عبد الباقي بك ... رأيي نبدأ بالمليونيرات .. عشان مانزعلهمش والكادحين وراهم إيه .. ما هم قاعدين في التكييف ..!! عمرهم ما قعدوا فيه خليهم يكيفوا !!
عبد الباقي : احنا لخبطنا البرنامج خالص ... البرنامج أصله للكادحين .. للغلابة وشوية .. شوية تحول للكانزين .. ده برنامج ده !!
سعداوي : يا عبده بيه ... ما أنت قلت أن كل ده تكتيك
عبد الباقي : تكتيك آه .. لكنه اتلخبط .. لزما التكتيك يكون ماشي في خطة ما يتغيرش وعلي كل حال نلتزم به ونبدأ بالكادحين
السكرتيرة : أنده يا سعداوي .. للكادحين .. ما تزعلوش
سعداوي : الكادح رقم 1 يخش
الكادح رقم 1 : السلام عليكم
السكرتيرة : اسمك وسنك ومهنتك وعنوانك
الكادح رقم 1 : عبد الرحمن الغلبان .. سني 45 سنة – مهنتي .. مبيض نحاس .. عنواني أرض الورد – حارة الفل – بيت الشجرة الخضرا
عبد الباقي : تبقى إزاي غلبان وعايش في الفل والورد والخضرة
سعداوي : ما هو ده... الأروجينال .. والتناقض .. ممتاز .. يخلي الصورة واضحة وجميلة
السكرتيرة : أنت فزت إزاي
عبد الرحمن : أنا والله ما اعرفش .. أنا لقيت اسمى منشور في الجرايد
السكرتيرة : بتعرف تقرأ
عبد الرحمن : أمال ... أنا خارج من الابتدائية
عبد الباقي : ومين قدم لك في المسابقة
ع الغلبان : ما أعرفش .. يمكن واحد قريبي ... ما أنا لي واحد قريبي بيشتغل عند واحد كبير ..
السكرتيرة : بيشتغل إيه
ع الغلبان : سواق .. سواق الاتمبيل بتاعه ..
عبد الباقي : وأنت فرحان .. أنك فزت ..
ع الغلبان : طبعا .. قالوا هانشوف الدنيا
سعداوي : بس فيه شغل يا حبيبي ...
ع الغلبان : وماله .. ما دام هتشوف الدنيا
السكرتيرة : عندك أولاد ...
ع الغلبان : عشرة .. وجاي واحد في الطريق
سعداوي : دا يبقى فريق كوره
ع الغلبان : كله مكتوب له رزقه
عبد الباقي : لكن شغلتك دي .. بتأكل عيش
ع الغلبان : والله مش قوي .. أصل الناس سابت النحاس .. وبتجيب الألمونيات الجديدة .. لكن أهي مشية برضه .. وأنا برضه .. وأنا برضك بلقط عيشى .. هنا وهناك ..
السكرتيرة : بتعمل إيه .. تاني ..
ع الغلبان : بكتب جوابات للناس الأمية .. وبأخد فيها حسنة .. وأوقات باشتغل في قهوة ..
عبد الباقي : تعمل إيه
ع الغلبان : أوزع المشاريب علي الزباين
سعداوي : بس
ع الغلبان : بس .. بس .. بس .. بس أحيانا برضك .. بشمسر .. في بيعات كده .. ولا مؤاخذه .. واحدة عاوزة .. ألمونيات .. من الجديدة وخلافه يعني كده ..
سعداوي : ما كفاية كده قوي ( يضحك )
السكرتيرة : وأنت استعديت للرحلة دي ..
ع الغلبان : أمال .. كلي استعداد .. وحتى الحارة والعيال .. عرفوا وباركو لي ..
عبد الباقي : يعني وضبت كل حاجة
ع الغلبان : أن معاي قرشين .. اشتريت بنطلونين جداد وقمصين .. وجزمة جديدة وشوية شرابات وكام فانلة وكام كلسون ..
سعداوي : وطبعا اشتريت للبيت
ع الغلبان : طبعا ... أمال .. ولادي قالولي بمناسبة الرحلة .. عاوزين الحلاوة جبتلهم زي تمام
عبد الباقي : طيب أنت عارف الميعاد
ع الغلبان : طبعا أول الشهر ... هانجمع في الميدان ونركب الأتوبيس لاسكندرية ومن هناك نركب المركب ..
السكرتيرة : أنت حافظ صم .. أهـه
ع الغلبان : البركة في سعداوي بك ... قالنا علي كل حاجة ..
عبد الباقي : أنت عملته بيه حته واحدة ( في سره )
سعداوي : طيب أتفضل أنت يا أستاذ غلبان ( منبسط )
اللي بعده نمره 2
نمره 2 : أزيكم يا سادة
عبد الباقي : اسمك وسنك ومهنتك وعنوانك
نمره 2 : بيومي الجرو ... محسوبكم .. تاجر صيني 50 سنة ... من اللباشية مركز العطر ... محافظة الوسية ...
السكرتيرة : وحضرتك ... تاجر إيه ..
بيومي : أنا في الحقيقة مش تاجر .. أنا شمسار
عبد الباقي : شمسار إيه ... بالصلاة علي النبي ...
عبد الباقي بيومي : بتاع كل هو انت من بتاع كله . بتاع كله يا أستاذ سعداوي !!
سعداوي : ما شاء الله .. ما شاء الله .. احنا عاوزين النوع ده .. يا عبد الباقي بك
( يقولها من تحت أسنانه )
السكرتيرة : يعني بتشمسر في إيه ؟!!
بيومي : يعني لابد ياست هانم ..
السكرتيرة : تبع كيفك .. بس احنا .. بنعرف كل المعلومات عنك ...
بيومي : ليه يا ست هانم .. لهو أنتم ولا مؤاخذة مباحث ؟!
السكرتيرة : لا ...
بيومي : تبقوا .. مخابرات ؟!
السكرتيرة : برضه لا ..
بيومي : يبقى لزما .. بتوع الضرائب ؟!
عبد الباقي : تف من بقك ..
بيومي : يبقى بتوع التموين؟!!
سعداوي : يا عم ( جـرو ) .. خليك في الجـد .. بقه .. أنت قاعد قدام ناس محترمين .. جاوب علي قد السؤال .. شمسار إيه ..؟!
بيومي : شمسار .. كل نوع .. فيه نوع للشد .. ونوع للجري . ونوع ..
سعداوي : ما تعددش .. خش في الموضوع
بيومي : أصل أنا ولا مؤاخذة ... ما أعرفش أكلم مع ناس أكابر زيكم ..
السكرتيرة : احنا زيك .. ليه خايف ....
عبد الباقي : قول ما تخافش ... دا احنا جايبينك عشان نسعدك ..
بيومي : ما هو باين .. من وشكم السمح .. حمار و بياض وحلاوة ..
سعداوي : أكلم بقه .. ياسي بطيخ .
بيومي : ما أناها أكلم أهه ... بس أنا مش خايف ... بس أنا مكسوف
السكرتيرة : مكسوف من إيه ...
عبد الباقي : ما تكسفش
بيومي : بس أني مش مكسوف قوي .. أنا بس خجلان ..!!!
سعداوي : انطق بقه يا سي خجلان .. زهقتنا ..
السكرتيرة : بس يا سعداوي .. قول يا بيومي
عبد الباقي : قول يا جرو .. شمسار إيه ..
بيومي : ما أنا قلته ... بس أنتوما ختشوا بالكم ..
سعداوي : قلته أمتـه ..
بيومي : مش أنا قلت لسعادتكم حمار ... وبياض وحلاوة
السكرتيرة : يبقى تاجر بطيخ
سعداوي : ليه بطيخ .. ما يكون شمام .. ولا
عبد الباقي : ولا إيه يا سعداوي .. خليه يعبر
بيومي : اسمحوا لي ... أصل أنا عمري ما أكلمت مع المسئولين ...
السكرتيرة : احنا مش مسئولين .. إلا أننا .. نسعدك ..
بيومي : ولا مؤاخذة بقه .. أنا شمسار .. شمسار .. شمسار حمير
سعداوي : اخيرا نهق ... يا دي لساني ... اللي عاوز قطعه .. أخيرا نطق
السكرتيرة : ودي فيها إيه دي ياسي بيومي
بيومي : أصل أني ولا مؤاخذة .... ما بتعاملش إلا مع الحمير ... وعمر ما اتعاملت مع ناس محترمين
عبد الباقي : الشغل مش عيب يا بيومي .... العيب أنك تخاف تقول .. ما تخافش من حاجة قول كل اللي في نفسك ... اعتبر نفسك بتخاطب الحمير بتاعتك .. وأنت ما تخافش في أي موقف !!
بيومي : ما أنا بااعتبر نفسي كده ... ولا مؤاخذة .. شويه .. شويه
سعداوي : وأسعار الحمير إيه الأيام دي
بيومي : والله الواحد بـ 120 جنيه النهاردة
عبد الباقي : ياه ... كل إيامنا الواحدة بـ 30 جنيه !!
بيومي : الأسعار غلت يا أستاذ ... والفول والشعير غلى ..
سعداوي : وإزاي تعرف تتمن الحمار ؟!
بيومي : من الخبرة .. وارثها أبا عن جد .. أعرف الحمار الحصاوي .. من الحمار اللي .. من حمار الركوب ... لحمار اللي يشد العربية
السكرتيرة : يا ما نفسي أركب حمار !!
بيومي : تحت أمرك يا أفندم .. أؤمري وأنا حاضر!!
السكرتيرة : مرسيه .. قوي
بيومي : العفو .. كله من أصلك ... !!
عبد الباقي : إزاي نجحت في المسابقة ...
بيومي : والله كنت بايع حمار لسعادة البيه
سعداوي : مين سعادة البيه ده
بيومي : حلق بيه خنفس ... وبعدين حمار سعادة البيه ... ركبه ..!!
السكرتيرة : مين اللي ركبه !!
بيومي : سعادة البيه .. أم قاللي أنا عاوز أكافئك .. فلقيت اسمى في الناجحين
عبد الباقي : وأنت فرحان بالرحلة.
بيومي : امال .. دا أنابعت عشر حمير .. تكاليف الرحلة .. وخدت العمولة علي داير مليم ..
سعداوي : وعارف ميعاد الرحلة .. امتى ..
بيومي : أول الشهر .. بعد سوق الحمير يوم الاثنين
سعداوي : هو أنت معلمها ...
بيومي : معلمها بسوق الاثنين
السكرتيرة : طيب أتفضل أنت ... واستعد
بيومي : طيب والحمار يا ست هانم ..
السكرتيرة : بعد الرحلة يا بيومي
بيومي : طيب سلام
سعداوي : اللي بعـده
نمرة (3) " الحمار اللي بعده: يقولها في سره "
نمره 3 : رشيد عوض ، ميكانيكي ، السن 43 سنة شارع المصري – حارة البركة – المتفرعة من زنقة الستات ، متزوج وأعول
سعداوي : داأنت حافض أهه
رشيد : ما أنا كنت سامع
سعداوي : بتصنت ؟!
رشيد : لا ... سهوا ..
السكرتيرة : ميكانيكي إيه ؟!
رشيد : سيارات
عبد الباقي :ازاى نجحت؟!
رشيد : بالمجهود
السكرتيرة : أزاي يعني ؟!
رشيد : زي الناس .. صلحت عربية واحدة هاي .. شافتني بقرأ الإعلان ..
قالت لي .. نفسك في الرحلة .. قلت لها آي .. قالت لي .. اعتبر نفسك فيها ... بس .. بصيت لقيت اسمي نازل ..
عبد الباقي : تعرف أن الرحلة علشان نسعد أمثالك
رشيد : ربنا يخليكم .. الفضل للست وليكم
سعداوي : بس في الرحلة شغل .. عشان نساعد بعض . نتعاون يعني ..
رشيد : وماله .. داحتى التعاون حلو
السكرتيرة : وضبت حالك
رشيد : مش فاهم
عبد الباقي : قصدها .. يعني تهندم لبسك .. تشوف حد يمشى الورشة .. كده يعني ..
رشيد : كله تمام يا أستاذ ... قابض تصليح عربية .. مبلغ كويس .. والورشة مش ها تقف الواد عنتر المساعد بتاعي وتربيتي .. قايم بكل حاجة .. المهم نتفسح ونشوف الدنيا .. جزيرة النعيم اللي بيقولوا عليها
سعداوي : جاهز يعني
رشيد : طبعا .. أول الشهر وعلي اسكندرية طيران
سعداوي : لا .. بالأتوبيس
رشيد : بالاتوبيس .. ولا تزعل ..
سعداوي : اللي بعده
نمره 4 ، 5 ، ، 7 ، 8
السكرتيرة : إيه يا سعداوي ... كله مرة واحدة
سعداوي : عاوزين نخلص .. ما هم كلهم زي بعض
عبد الباقي : احنا يا سعداوي عاوزين نفهم كل واحد ... بيئته .. حياته .. معيشته عشان ما يبقاش .. هناك مشاكل ..
سعداوي : يا عبد الباقي بك ... احنا بقالنا وقت كبير في تلاتة ... ودول نجحوا وخلاص بس اطمئن وحط في بطنك بطيخة صيفي ..
عبد الباقي : مفيش فايدة .. فيك .. نكدي دايما ... أنا الحق علي ... اللي خليتك معانا .. كنت سبتك صعلوك علي طول ...
سعداوي : علي طول علي عرض اهو كله صعلكه ..
السكرتيرة : خلاص بقه يا جماعة ..... الجماعة وصلوا
الداخلين : سلامو عليكم
عبد الباقي : أنتم مين
الداخلية : احنا بنشتغل في المجاري
سعداوي : أهـلا .. أهلا وسهلا
السكرتيرة : تعرفوا بعض
الداخلين : ومقدمين مع بعض
عبد الباقي : مش أنت اللي ..
واحد منهم : أيوه أنا ... اللي كنت بتديني تفاحه !!
عبد الباقي : وأزاي جيت
الواحد : زي اللي جم .. أنا كنت واخد كلامك أنت والأستاذة .. هزار في هزاز وبعدين لما قالولي .. أنه منشور في الجرايد وجاي في التليفزيون وسمعوه في الراديو قلت ما بدهاش ... قدم وجرب سمعني زمايلي
قالولي .. قدمنا لنا .. معاك .. خدناها ، ضحك لقينا نفسنا ناجحين أدى كل الحكاية ..
عبد الباقي : يعني ما كانش لكم حد ساعدكم
سعداوي : ولا حد قريبكم .. بيشتغل عند حد منهم
الداخلين : أبدا
السكرتيرة : بس هي رحلة عشانكم آه واحنا عاملينا عشان نسعدكم آه .. بس فيها شغل .. تعاون يعني ..
الداخلين : وماله .. ما احنا واخدين عليه .. ها يبقى أمر من اللي احنا فيه ..
علي الأقل نشم ريحة البحر .. بدل الريحة اللي تحت
سعداوي : ما هو انتو .. بتصرفوا في البحر برضه ..
الداخلية : جوه البحر .. نسيم وحنين .. جوه البحر .. نعيم .. رياحين .. احنا في ديك الساعة .. ان نقب عن البلاعة .. ونشعر مرة بطعم الراحة جوه البحر .. نسيم وحنين .. جوه البحر .. نعيم .. رياحين
السكرتيرة : دا أنتم شعرا أهم
سعداوي : دا لزما نضمهم للجوقة ( بسخرية )
عبد الباقي : يخلق من الفسيخ شربات
سكرتيرة : عزاب ولا مجوزين
الداخلين : من ده علي ده .. فينا العازب وفينا المتجوز ..
سعداوي : ونعرفكوا أزاي .. بالريحة مثلا !!
السكرتيرة : وهاتعرفوا تاخدوا أجازة ...
الداخلية : واخدينها مقدما ...
عبد الباقي : والمجاري ..
الداخلية : كفاية اللي جرى لزمايلنا فيها
السكرتيرة : إيه اللي جرى ..
الداخلية : ماتوا فيها في عمر الزهور .. وكل واحد وراه كوم لحم ..
السكرتيرة : يا حــرام
عبد الباقي : دولا الكادحين بحق وحقيق
سعداوي : وبدون واسطة
عبد الباقي : أصلك .. كنت بتقول .. كل قرايب .. قرايب ناس بتشتغل عند ناس كبار ..
سعداوي : فلتت دي ..
السكرتير : يبقى التمثيل كده مضبوط يا عبق ..
الداخلين : بتقولوا إيه .. فيه فينا حاجة تعيب ..؟؟!!
عبد الباقي : لا .. بس إحنا بنقول عارفين الميعاد
الداخلين : أول الشهر .. ميعاد القبض
سعداوي : مفيض قبض ... فيه فسحة
الداخلين : ما احنا عارفين ..
السكرتيرة : مجهزين حالكم
الداخلين : كل واحد عنده جلابية جديدة ..
عبد الباقي : مجهزين بيتكم ..
الداخلين : كله واحد ... مكلف واحد .. ياخد باله بس لنا شرط واحد ..
سعداوي : هو فيه شرط كمان
الداخلين : آمال ... أن مالناش دعوة بمجارى المركب .. علشان ولا مؤاخذة .. ما تبقاش ورانا ورنا
السكرتيرة : معاكوا حق .. دا احنا هنسعدكم !!!!
الداخلين : عشمنا كده
عبد الباقي : طب اتفضلوا انتم بقه .. جهزوا حالكم ..
الداخلين : طب السلام بقه .. ربنا يعلي مراتبكم
سعداوي : اللي بعده 9 ، 10
نمره 9 : أنا فراش حضرة الناظر .. خبرة في الفراشة 30 سنة .. حتى وصلت رئيس الفراشين ، ثم فراش حضرة الناظرة سلماوي الغلباوي ، أخر ناظر لمدرسة العدل الإعدادية ، أفهم كل حاجة وكل إشارة ، وكل همسة ، وكل شاردة من حضرة الناظر ، السن ما تعدش ، الأولاد وما تعدش مرتبي أنا وحضرة الناظر 200 جنيه هو 150 وأنا خمسين بقوم له بكل المهام ، في البيت وفي المدرسة ، في الشغل وغير الشغل ، في القانون وفي غير القانون ، أصله ، حضرته بيحب المشاكل ، وبيحب المحاكم ، بيروح المحاكم ، أكتر من المدرسة وفي المدرسة ، برضة ، فتحها محكمة ، يجيب المستندات معاه ، ويبعتني أنقى له شهوده أيوه ، شهود زور ، الواحد ميشهد معاه ، بعشرة جنيه ، هم مش عشرة ، هم في الحقيقة ، 8 جنيه أصل أصل أني ولا مؤاخذة باخد 2 جنيه علي كل رأس ، أيوه ، أقصد كل شاهد ، ما هو فاضي والفاضي يعمل قاضي ، جاي من بره كان في إعارة ، ومعاه قرشين ، قلقينه ، وقاعد كل يوم ، يشوف سعر الدولار أصله فاضي وانا فاضي ، ويشكى طوب الأرض حتى نفسه وبخيل دقه ، لكنه في القواضي ، كريم قوي ، أصله عنده عقده نقص مخلياه مش شايف غير نفسه ورغم الفلوس دي كلها فهو مرتشي ، ما فيش مانع يتفق مع المقاول ويأكل من بناء فصول جديدة مش قلت لكم عنده نقص وداير علي حل شعره وكل يوم يسألوني حضرة الناظر فين ، أأقول في الحمام وهو فين راح المحكمة ، وهو فين رجع من المحكمة ، ويقولى .. حد سأل علي أأقوله لا ، أنا هنا مكانك ، سادد مكانك ، مش أنا وأنت ، مرتب واحد يديني محاضرة طويلة وعرضة ، ما هو غلباوي ، غلباوي قوي ، وساكن فين بقه علي كده ، في قوضه مكسرة ، وهو يستطيع يبني عماره ، وسايب ابنه يا عيني علي ابنه ، صغير وصغير ، وأيوه كبير وبيصغر يحب دايما ، يتمنجه عدا الخمسين ، ولا الستين ، ويصبغ شعره ، و ينتف وشه ، ويفقع حب في وشه أصله في عقله ، أنه شباب ، علي وش دنيا ، أنا فراشه ، ما شوفتش قبله ولابعده ، وهو وأنا واحد مش أنا فراشه .
سعداوي : ما تبطل بقه يا جدع أنت .. هو علمك الغلبة ولا إيه ... من ساعة ما دخلت وأنت قاعد تتكلم .. احنا هنا في المدرسة.
عبد الباقي : سيبه يا سعداوي ... خليه يفضفض
الفراش : ما خلاص بقه ... الأستاذ فرملنا .. علي كل حال أنا أسمى / ابو اليزيد الغلباوي
السكرتيرة : تبقى قريب حضرة الناظرة
الفراش : لا دى مجرد تشابه أسماء
سعداوي : علي كل حال اسم علي مسمى
عبد الباقي : وازاي وصلت
الفراش : علي رجلي
عبد الباقي : أأقصد ، إزاي نجحت
أبو اليزيد : زي كل الناس .. وحياتك من أول مرة ، وبدون ملحق !!
السكرتيرة : فيه حد ساعدك
أبو اليزيد : الغلباوي بك .
سعداوي : إزاي بقه يا غلباوي بك
أبو اليزيد : قرأها في الجرنان ، وشافها في التليفزيون وسمعها في الراديو أعلنها في الإذاعة المدرسية قلت له ، نفسي أكون منهم ، أنا وابنى الكبير أبو حديد قال غالي والطالب رخيص ، لزما تكون فيهم بس دور لي علي شاهدين زور ، حيث كان عنده قضية مزنوق فيها ، قالي وكمان طلب بسيط ، شوية شهادات طبية ، لزوم القضية ، قلت له غالي والطلب رخيص ، وحصل ..وهو بدوره كان عنده واد تلميذ ، عنده ملحق وعانها ونجح بعدها أبوه ، وعدنا بالرحلة ، وحصل وجينا في اللستة ، قرئتها في الجرنال ، وأعلنها حضرته في الإذاعة المدرسية وقال كلام كتير ما هو غلباوي مش فاكر منها إلا الكلمتين دول
" أن المدرسة لتفخر أن يكون من العاملين فيها من سيذهبون إلي رحلة النعيم " وعنها وجيت أنا وابنى ابو حديد ".
السكرتيرة : وماجبتوش حضرة الناظر معاكم له عشان نفخر معاه.!!
أبو اليزيد : أصله عنده قضيه ومش فاضي ، أصله موسم ، و موسم القضايا عنده أحسن من ألف رحلة ، هي النعيم كله ، بس يمكن يخش في الرحلة الجاية بتاعتكم إذا كان ما فيش قضاوي!!.
سعداوي : يا سلام ، طب والنبي ومن نبي النبي تسلم لي على الأستاذ قضية بتاعتك ده وتاخذه بوسة من هنا و بوسة من هناك ، قضية من هنا وقضية من هناك ، قصدي بوسة من هنا وبوسة من هناك.
ابو الزيد : ما شى ، ومعاك شهود ، أنا مستعد أنا وحضرة الناظر ، نجيبهم لك
سعداوي : يا سيدي أنا بضحك ، حد الله بيني وبينكم.
عبد الباقي : وأنت مستعد للرحلة
أبو اليزيد : أنا وابنى نمره عشرة ... جهزنا كل حاجة
السكرتيرة : وحضرة الناظر ، هاتسيبه لوحده ؟!
أبو اليزيد : عامل حسابي ومجهزة له ، كل حاجة وابنى التالت ، أبو الجريد ، سايبه معاه ، يقوم بالواجب
سعداوي : صاحب واجب ياابو اليزيد !!
أبو اليزيد : أمال ، داعشرة عمر ، يا أستاذ وما يخون العيش إلا ابن الحرام
عبد الباقي : طيب يا خويا خد ابنك الهلف ده وتعالوا أول الشهر
أبو اليزيد : بلاش تقول عليه هلف ، أصل والله ارجع في الرحلة وارفع عليك أنا وحضرة الناظر دعوى سب علنى
عبد الباقي : طيب يا خويا تعالى أول الشهر أنت والأمور المسمسم ابنك ده
أبو اليزيد : أه كده .. أنا بحسب .. يعني
( ناس تخاف متختشيش ) " في سره "
سعداوي : ما عدش حد من السادة الكادحين كله خلص ، وآخرهم القضية ده .. كان آخر واحد من الكادحين ، نخش باه علي المليونيرات .. ولا ناخذ نفسنا
السكرتيرة : أنا تعبت خالص.... خالص .. خالص
عبد الباقي : يبقى استراحة .. وانت يا سعداوي تشوف فرقة البلابل .. عاملة أيه في التدريبات والبروفات ، علشان الافتتاح ، وأنت سيد العارفين أول الشهر وبعدين تفوت علي السادة المليونيرات في الغرفة المجاورة وتقولهم المسألة عشر دقائق استراحة وبعدين نيجي نقابلهم علشان نلخص منهم
سعداوي : فريرة ، فريره كله يتم ، فريرة كله يتم ، قال إيه هو والناظر بيخدوا 200 جنيه " يضحك بسخرية والآخرين ".
" انتهت الاستراحة ، وبدأ الثلاثي في استقبال المليونيرات "
السكرتيرة : هيه .. يا سعداوي .. خلاص .. بروفات مايه / مايه
سعداوي : كله ماشي .. ألسطة اللنش
عبد الباقي : يعني الفرقة .... بقت جاهزة للعرض .. بيتهوفون .. ماسك الموسيقى تمام؟!!
سعداوي : كله ألسطه اللنش ..
عبد الباقي : عال العال
سعداوي : يابا عبد العال !!
السكرتيرة : احنا هنهرج .. انده علي الأكابر
سعداوي : عاوزين يخشوا مع بعض ..
عبد الباقي : لا ... لا ... واحد واحد .. احنا مش حمل مليار جنيه مرة واحدة
سعداوي : هم كلهم ما يجوش طن لحمه !!!
السكرتيرة : لكن في أيديهم ... مليار جنيه
سعداوي : كلهم ... شغت وعظم ودم !!
عبد الباقي : دوله ... المساهمين يا سيد
سعداوي : وماله .. أندهم .. بس مين الأول .. كلهم عاوزين يخشوا ..
السكرتيرة : واحد .. واحد قلنا .. أأقلك .. دخل توفيق بك الأول
عبد الباقي : لا ... لا توفيق بك ولا حسان بك .. دوله عرفناهم .. عاوزين غيرهم ..
سعداوي : احنا معرفناش عنهم حاجة ... مجرد معلومات عامة
عبد الباقي : يكفي كده مؤقتا ... احنا عاوزين الباقي ..
السكرتيرة : طيب اندهم .. حسب الحروف الأبجدية
سعداوي : لا .. أحسن أندهم .. حسب رأس المال ... دول ياخدوا علي خاطرهم أوى .. لو تعديت واحد منهم .. حيزعل قوي
عبد الباقي : طيب اعمل اللي ريحك .. ما هو .. الأول والآخر .. هنقابلهم كلهم
سعداوي : وجب يا صاحب السعادة .. فايز بك الخشاب يخش
( يدخل رجل سمين ، يلبس بدلة كاملة ، متوسط الطول )
( ومعه ... رجل صعلوك .. مثل صعلوكنا )
صعلوكه : اتفضل يا أفندم اتفضل يافايز بك..
فايز :ازيكم ياجماعة ...انا مستعجل ..وانتوا اخرتونا كتير ..واحنا الدقيقة بكذا...
صعلوكه :عطلتونا ياافنديات
فايز: نخش في الموضوع .. احنا ساهمنا بمبلغ كبير في البوتيكات وحسب ميعادكم هنشحن البضاعة باليخت .. ونرتبها علي يوم الافتتاح .. وطبعا بضاعتنا معفية من الجمارك والضرائب .. لأنه مشروع خيرى .. وعمولتكم جاهزة.
عبد الباقي : انت دخلت علي الحامي .. أنت عارف غرض المشروع ايه
فايز : الربح والفرفشة
عبد الباقي : والفقــــرا
فايز : هـأ .. هـأ .. ما حنا هنفرفشهم برضك ..!!!
عبد الباقي : ازاي
فايز : رايحين يتفسحوا معانا .. عاوزين إيه تاني !!!
السكرتيرة : يعني الهدف ... خيري ... قومي ..
فايز : يعني احنا قلنا إيه غلط .. كله بتمنه .. يتفسحوا .. واحنا نعمل شغل ..
ثم ولا ومؤاخذة ...احنا كنا غلابة زيهم .. وشقينا لغاية ما وصلنا .. يتعبوا ويشقوا .. يتعلموا زينا .. وعلي فكرة وجودهم معانا .. هايعلمهم حاجات كتير إزاي يكافحوا .. إزاي يبقوا زينا
سعداوي : نخش في الجد شوية
فايز : تحب نبدأ بايــه
للسكرتيرة : مثلا إزاي وصلت ؟؟!!
فايز : دي أسرار .. لكن
صعلوكة : لكن .. ساعدته .. فاتح قلبه لكم !!
عبد الباقي : بسلامته .. حضرتك .. تبقى مين ..
صعلوكة : سكرتيرة .. الخاص .. جدا .. جدا !!!
عبد الباقي : آه ... أنعم وأكرم .. سجله يا أستاذ سعداوي !!
السكرتيرة : يعني يا استاذ فايز .. إزاي بدأت ..؟؟!!
فايز : تاريخ قديم .. قوي .. يا سادة .. لكن .. أقدر الخصه في كلمتين هاجرت من بلدي .. رجعت وشقيت ... اشتغلت شيال .. في المحطات وفي المواني وشوية شوية فهمت اللعبة ... كبرت نفسي شوية ... شوية فهمت لعبة المشالات خدتها .. كل مشالات المحطات والمواني .. بقت تبعى .. فكرت أخش البرلمان دخلت .. غطيت مواقفي كلها .. صاحبت ناس كبار .. ما هي شلل .. حموني ..!! واتبرعت لوجه الخير كتير قالوا علي سى الحاج .. وفيه ناس يقولوا .. الأستاذ .. مانا سبت الجلابية ولبست البدلة .!!. ومافي مشروع خيري .. إلا وأخش فيه .. ما دام فيه فوايد ..
صعلوكة : وأنا معاه من زمان .. عينه اللي بيبص بيها وأيده اللي بيسلم بيها .. أه ما احنا في سوق والسوق غول بيتاكل الضعيف فيه.. أنا بصراحة بتاع كله
عبد الباقي : هو أنت من بتوع كله ؟؟!!
صعلوكه : أه ... بتاع الكليات والجزئيات كمان ..
عبد الباقي : طب سجله يا سعداوي بك !!
سعداوي : وبعدين يا عبد الباقي بك .؟!
عبد الباقي : ولا قبلين
السكرتيرة : علي فكرة ، أنا فكرتك ، تاجر أخشاب
صعلوكه : أصلك عشان اسمه الخشاب
فايز : ما أنا برضك بتاجر في الأخشاب .. الواحد لما يوسع في السوق !!.. بيتاجر في كل حاجة حتة اللب !!!
السكرتيرة : حتى اللب !!
صعلوكة : كل حاجة ... استثمارات .. توسعات
عبد الباقي : يعني ممكن مثلا .. تتاجر في الممنوع ؟؟!!
فايز : إزاي يعنــي ؟؟!!
سعداوي : أقصد يعني حاجات كده ممنوعة !!!
صعلوكة : قصدك إيه يا أستاذ .. ممنوع إيه ومرغوب ايه .. أنت مش عايش ما تقوله يا فايز بك .
فايز : أأقله إيه .. وأعـد له إيه .. يظهر إنه ... مش عايش في السوق قلنا لك ...غيلان لو نمت هايكلوني ..
عبد الباقي : يعني بطبق ، نظرية ميكانكللي ؟؟!!
صعلوكه : ميكاقللي مين ده ؟!!
فايز : أيوه يبقى مين ده .. تاجر ؟!
عبد الباقي : أيوه .. تاجر .. بس تاجر علي تقيل !!
فايز : ما أعرفوش !!
سعداوي : ده بقه تاجر كبير قوى .. أورباوي ..!!
السكرتيرة : هو اللي وضع أسس كل حاجة بتاجروا فيها !!
فايز : والله أنا بتعامل مع تجار كتير .. من أوروبا ... بس ما عرفوش ..
يكونشي ... اللي بيورد لي بضاعتي .. الكيف ؟!
صعلوكه : كيف ايه يا خشاب بك .. يا جماعة الخشاب به .. قصده بضاعة علي كيفك !!
سعداوي : آه ، هي دي الفولة بقه !!
فايز : فولة إيه .. هو تحقيق ولا تحقيق .. إحنا جايين نساهم ..
صعلوكه : أيوه .. جايين نساهم .. بلا ميكاقللي.. بلا فولة .. قوم بينا يا فايز بك
السكرتيرة : ما تزعلوش كده قوي .. مكيافللي ده اللي بيقول الغاية تبرر الوسيلة والفولة عاوزة كيال .. فهمت ..!!!!!!!!!!!!!
فايز : طب خلينا في الفولة .. مين كيالها ..
عبد الباقي : مشروعنا ... هو كيالها ..
صعلوكه : واحنا عاوزين .. نكيل .. يبقلنا نصيب في الفولة دي ...
فايز : واحنا جاهزين .. وعمولتكم جاهزة .. هه .. كشفت كل ورقي أهه قلتم إيه ..
السكرتيرة : أهو ده الكلام المضبوط ... بس احنا لابد .. نجس الناس اللي بيتعاملوا معنا ..!!
سعداوي : لابد نجسه .. يمكن كده ولا كده ...
صعلوكة : يا سيد .. احنا اسمنا برلنت في السوق . واحنا ناس بنقدر برضه ونقيس الرجال !!
عبد الباقي : خلاص يا جماعة علي بركة الله .. ميعادنا أول الشهر ..
السكرتيرة : وتجهزوا بضاعتكم علي المركب من النهاردة
فايز : هات دفتر الشيكات ، يا خشبة أفندي .. أدي عمولتكم ( يوقع شيك )
سعداوي : الشيك ده .. براني ولاجواني ...
صعلوكه : جواني يا خويا .. جواني قوي ..
السكرتيرة : واكفى علي الخبر ما جــور
عبد الباقي : داشغل يا خشاب بك .. بس شغل علي كيفك !!
فايز : ما هو باين ... شغل معسل قوي .. السر في بير!!. .. سلام عليكم ...
سعداوي : يا ولاد الأبالسة .. اللى بعده .. شاكر بيه اليتيم ..
( يدخل رجل سمين ، أبيض اللون ، يضع علي وجهه نظارة طبية )
( ومعه صعلوكه ، وقفى أفنـــدي )
شاكر : إزيكم يا جماعة
وقفي : أزيكم يا جمـاعة
عبد الباقي : هو كل واحد معاه صعلوكه ولا إيه ( يميل علي السكرتيرة )
السكرتيرة : أسأل سعداوي ( تميل عليه في .. )
سعداوي : هيه يا شاكر بيه .. أزي الحال ..
شاكر : الحمد لله كويس
عبد الباقي : انتو تعرفوا بعض
سعداوي : عز المعرفة
شاكر : ما خلاص ... يا سعداوي بك .. خللي الطابق .. مستور ..
سعداوي : مستور بإذن الله ..
عبد الباقي : على كل حال .. احنا نحب نعرف عنك كل حاجة ..
وقفي : شاكر بيه .. رجل عصامي .. بدأها من الصفر .. و إنسان له مواقف كريمة
السكرتيرة : ازاي مثلا
وقفي : هو مثلا
السكرتيرة : لو سمحت خليه هو يتكلم أحسن
وقفي : أمرك يا فندم
شاكر : ببساطة .. كده أنه كنت مقاول أنفار .. توريدات .. ثم شبكت في البنايات ثم في التصدير و الاستيراد وهلم جـرا ..
وقفي : احكي لهم عن المواقف الإنسانية ..
شاكر : جرى إيه يا وقفي .. أنت ما يتبلش في بقك فوله ...
عبد الباقي : رجعلنا للفولة !!
شاكر : لا يا أفندم .. الفولة بتاعتنا ... حاجة ثانية ..
سعداوي : لزما فول مدمس ..!!
السكرتيرة : هس يا سعداوي .. كمل يا شاكر بك ..
شاكر : المواقف الإنسانية كتيرة ... لكن أهم موقف في حياتي .. واحمد الله علي ذلك .. أنه وفقني فيه .. هو تربية ابن أخويا اليتيم ... توليت تربيته .. ورعاية أملاكه .. وصرفت من جيبي .. ويعلم الله أني بقول الصدق ..
وقفي : أي او الله ... بيقول الصدق .. د ا كل شىء كان علي ايدية !!!
سعداوي : صادق يا شاكر بك .. من غير ما تحلف .. صادق
شاكر : الله يكرمك .. يا سعداوي بك .. انت فعلا .. أهل لذاك المنصب
وقفي : سعداوي .. طول حياته شاطر
سعداوي : الأبالسة .. الملاعين ..!
(في سره )
شاكر : بتقول حاجة .. يا سعداوي بك
سعداوي : ابدا دا أنا بكلم نفسي !!
عبد الباقي : طيب .. خلينا في المشروع
شاكر : أحســن
وفقي : برضه أحســن
السكرتيرة : باين عليه بغبغان ..
( في همس )
عبد الباقي : كلهم طينة وا حده
( في همس )
وقفي : نبدأ بقه .. جهزتم البضاعة
وفقي : واتحملت علي المراكب
شاكر : والعيال .. بترتبها الوقت ده
عبد الباقي : والميعاد أول الشهر
السكرتيرة : والاتفــــاق
شاكر : هاتت يا وقفي .. دفتر الشيكات ..
وقفي : اتفضل يا أفنــدم
( يوقع شاكر ويسلم )
السكرتيرة : الشكر لله ..
شاكر: سلام بقه .. سلام يا أستاذ سعداوي .. ابقى خلينا نشوفك
سعداوي : هايحصل !!
( أصوات من الخارج .. يا سعداوي بيه .. احنا مش فاضيين )
( وبعدين وارنا أشغال – واحنا كده مع بعض كونسرتيوم )
( يخرج سعداوي ويعود )
عبد الباقي : فيه إيه يا سعداوي ..
سعداوي : دوله بقه مع بعض .. زي ما بيقولوا تجمع اقتصادي واحد .. مسيطر علي السوق .. استيراد وتصدير .. في كل شىء ... لحوم .. دواجن .. معلبات .. عمله .. سيارات .. مواد بناء .. دهب ... كل حاجة .. يعني .. وعاوزين يمشوا مع بعض والاتنين اللي فاتوا .. مشوا .. قالوا مش فاضيين إيه رأيكم ...؟!
السكرتيرة : خليهم يخشوا .. خلينا ننتهي .. ما هم كلهم زي بعض .. وشوش مختلفة لكن لابسه أقنعه واحدة .. شكل بعض ..
عبد الباقي : هي دي المشكلة .. الغلابة ضاعوا .. قبل ما نسعدهم ..
سعداوي : تسعد مين يا عم .. داهم هيبقوا مبسوطين قوي من الرحلة .. واحنا سعداء أهه .. العمولات نازلة ترف .. ولسه .. هنكون اسعد ..
عبد الباقي : طيب بطل غلبة بقة وخليهم يخشوا ولا قلك .. استنى شوية .. قبل ما أنسى إيه حكاية .. شاكر .. حكايته إيه
السكرتيرة : أيوه والنبي حكايته إيه .. كان خايف منك قوي .. وشوفتك .. كأنك محبي حاجة .
سعداوي : دي حكايته .. حكاية .. داء يأكل مال النبي زي ما كال .. ابن أخوه
وسابه علي الحديدة ... وبيديلوا ملاليم .. وقدام الناس ..
يقول .. أنا بعطف عليه .. غلبان يتيم .. بيستهبل وكل الناس عارفة الفولة
عبد الباقي : رجعنا للفولة خليهم يخشوا ..
السكرتيرة : مش قلت لك .. يا عبد الباقي .. كلهم عجينة واحدة .. داحنا وقعنا في شلة حرامية !!!
عبد الباقي : كلنا في الهوا سوا .. الوجوه .. نظيفة لميع .. ومن جوه قطران زي القبر .. المبيض .. كلنا زفت في الزفت المغلي !!
السكرتيرة : طب اسكت بقه .. أصلهم جايين
سعداوي : خشوا .. يا بهوات
( يسلمون علي بعض )
رئيسهم : أنا مفوض بالنيابة عن مجموعتي .. نبلغكم كلمتين
عبد الباقي : يعني مش هنعرف كل واحد علي حده .. تقديم بسيط يعني عن نفسه .. حياته .. بيئته .. إزاي وصل .
المجموعة : احنا مفوضين .. الشحات بك .. يتكلم بالنيابة عنا .. اما حياتنا وبيئتنا .. دي حاجات شخصية
الشحات : أيوه ... دي حاجات شخصية .. احنا نخش نخش في الشغل
سعداوي : يعني أسرار يعني .. وشخصية إيه .. ما هو كله واضح زي المرايا ..
المجموعة : إزاي
سعداوي : كل اللي في السوق عارف بعضه
الشحات : خلاص ما دام كله عارف بعضه .. عاوزين إيه تاني
السكرتيرة : عاوزين نحكم علي الشخصية .. اللي بنتعامل معاها .. و ما يجيش ده
إلا بالحكم علي تاريخ حياتكم
الشحات : علي كل حال دي أمور ثانوية .. وبعدين احنا معانا توفيق بك وحسان بك .. وأنتم شوفتوهم .. قبل كده .. مش كده يا توفيق بك .. تمام يا حسان بك
توفيق بك : تمام .. أستاذ .. عداك العيب .. قاعدنا واستمتعنا .. بالكلام مع ست الكل وقبل كده .. تشبعنا .. برقصها ..!!!
حسان بك : أه والله عليها .. حته رقصه .. جنان !!!
السكرتيرة : مرسيه .. ده كله تبرع من أجل المشروع !!!
المجموعة : عارفين .. محسنة كريمة !!!
الشحات : نخش بقه في الموضوع ، احنا زي ، ما انتوا شايفين .. عددنا كتير ومجموعة واحدة .. لزما .. يبقى لنا كلمة في الياخت ، اقصد المركب ..
عبد الباقي : اليخت .. يلغي الفوارق .. كلنا واحد .. الإداريين . القبطان العشرة الغلابة .. العشرة بتوعكم ..
الشحات : الفوارق .. عمرها ماهتتلغى .. والسعادة عمرها ما هتيجي للغلابة .. برحلة واحدة وإلا اتنين .. ولا حتى ألف ..
سعداوي : قصدك إيه
الشحات : قصدي .. ان احنا جينا .. علشان .. مصالح .. منافع .. وكل البروبا جندا دي ديكور نزوق بيه المصالح ونزين به المنافع ...
السكرتيرة : يعني ما فيش سعادة ... ؟؟!!
الشحات : فيه سعادة ان احنا نخلص شغلنا بسهولة ... وأن همه يشتغلوا .. ويتمتعوا بالبحر وبجزيرة النعيم !! ( بسخرية )
عبد الباقي : يعني برضك .. الشغل وراهم .. وراهم وما فيش راحة .. حتى ولو احساس بالسعادة ..
الشحات : وأنت معتقد .. أن احنا سعداء .. احنا شكل بس .. لكن ما فيش حاجة جوه خالص .. عشنا حياة كلها صراعات .. اتبهد لنا .. من بره ومن جوة .. وبعدين نضفنا من برة شوية .. ولسه من جوه متبهدلين ..!!!
السكرتيرة : أنت بتتكلم بصراحة قوى عن نفسك ..
الشحات : أنا حبيت .. أحط النقط فوق الحروف .. علشان ما نتعبش .. احنا لنا مصالح وانتوا لكم مصالح ..
سعداوي : وحطيت كل النقط ولا لسه فيه نقط ... ؟!!
الشحات : النقط كتيرة .. لكن كله بأوانه ..
عبد الباقي : مصالحكم وعارفنها .. إيه بقه مصالحنا ...
الشحات : مصالحنا .. مش كل اللي انتو عارفينها ... مصالحنا مرنة .. حسب المكان وحسب الزمان .. لكن مصالحكم ..غامضة .. غامضة قوي ..
عبد الباقي : إيه الغموض اللي فيها ..
الشحات : اتكلم بصراحة .. فينا من زعل ؟!
السكرتيرة : خد راحتك ...
سعداوي : خدها قوي ..
الشحات : تقدروا تقولوا ... اسعاد عشرة ... بفرض أن ده تم ... هيحل مشاكلهم ... وإذا حلها هيحل مشاكل ملايين ..
عبد الباقي ده مجرد تكريم بس .. زي عددكم .. عشرة
الشحات : احنا بنختلف .. احنا عشرة مليونيرات قولولي حتلاقي كم مليونير .. مايه .. مائتين
سعداوي : يمكن تلاقي آلاف .. الأيام دي !!
الشحات : برضك عدد قليل .. لكن قولي عشرة غلابة ، من كام مليون .. ملايين معدة .. نقطة .. في بحر كبير ... أوفي سما كبيرة
السكرتيرة : دا أنت دارس كويس .. لهم حق .. يفوضوك ..
الشحات : نيجي للسؤال التاني .. انتو علا .. رايحين جزيرة النعيم ..
عبد الباقي : طبعا
الشحات : فين هي جزيرة النعيم ؟؟!!
عبد الباقي : قالوا .. انها جوه في البحر البعيد !!
الشحات : قالوا .. ويمكن ما لهاش وجود ...
السكرتيرة : إزاي بقه .. فيه ناس كتيرة .. راحوها
الشحات : امتى وفين ؟؟!!
سعداوي : هم قالوا لنا كده !!
الشحات : مين دول .. ويمكن تكون وهـم
عبد الباقي : وهــم ؟!!!! ( بتعجب )
الشحات : ليه لأ ... ممكن .. تكون خيال .. حبيتوا تنفذوه !!
السكرتيرة : ويمكن تكون حقيقة
سعداوي : لزما تكون حقيقة ... كل الناس قالت حقيقة ..
الشحات : ما تزعلوش قوي كده .. قولوا لي بقة ... السؤال المهم ... إيه مصلحتكم أنتم..؟؟!!!
عبد الباقي : نسعدهم !!!
السكرتيرة : ايوة نسعدهم !!!
سعداوي : ونسعدهم ونعدهم .. دايما مزيد من السعادة .. !!!
الشحات : بس الواقع بيقول غير كده .. اسمحوا لي ... أنا عارف عنكم كل حاجة
عبد الباقي : كل حاجة ؟!!
سعداوي : يبقى مكشوف عنك الحجاب بقه !! ( بسخرية )
الشحات : لا حجاب ولا غيره .. زي ما انتو بتدرسوا ... احنا بندرس .. احنا مجموعة كبيرة اقتصادية .. لزما نفهم ونحسب جدوى كل مشروع وكل قرش
السكرتيرة : خرجتوا بإيه !!
الشحات : أن انتم زينا تمام .. أصحاب مصالح فيد واستفيد ..
سعداوي : رد علي دي بقه .. يا عبد الباقي بك ...!!!
عبد الباقي : نخش أحسن في الموضوع ..
الشحات : آه كده أحسن .. احنا تقريبا شحنا بضاعتنا .. ورتبناها .. وعمولتكم مكتوبة بشيك .. اتفضلوا أهه .. لكن لنا شرط
السكرتيرة : شرطكم إيه ..
الشحات : مالناش دعوة بحركة اليخت ، أقصد المركب.!!
سعداوي : شىء طبيعي .. دي مسئوليتنا إحنا
الشحات : آه .. لكن مالكوش دعوة بحركتنا علي المركب.!!
عبد الباقي : يعني إيه بالضبط ..
الشحات : يعني شغلنا احنا بقه .. أعمال .. صفقات .. سفريات ممكن برضك
السكرتيرة : موافقين .. هو يعني كان مال أبونا !!
سعداوي : علي رأيك
الشحات : يبقى عال.. اتفقنا ..نقول بقه سلامو عليكم .. ( يسلمون ويستعدون للمغادرة )
توفيق بك ( وهو يغادر ) : ياست جيجى نفسي أشوفك تاني علي المركب .. وأشوف رقصك الجميل !!
حسان بك : لا تحرمنا يا ست منه .. أنه السعادة الحقيقية !!
السكرتيرة : وأنا لي مين غيركم .. لابد أسعدكم .. أسعدكم من كل رجلي ... !! أقصد من كل قلبي مع السلامة .. مع السلامة ..
عبد الباقي : الأخ ده مفتح قوي .. هايتعبنا ..!!
السكرتيرة : ما أظنش .. كان واضح ومحدد
سعداوي : ما كلهم هيتعبونا .. هو أنت مفكر هنلاقي السعادة .. أو هنسعد الناس دول .. أبدا .. هتلاقي المشاكل فاتحة بقها علي الآخر ..
عبد الباقي : ما تقدرش البلا ، قبل وقوعه ..
سعداوي : أنت جبت القط مع الفار .. والديابة مع الخرفان والغنم ..
السكرتيرة : كده ولا كده .. احنا لمينا اللي احنا عاوزينه .. وربنا يسهل في الآخر ..
سعداوي : علي رأيك ..
عبد الباقي : الوقت ممكن أقول .. ان كل حاجة ماشية تمام .. الفلوس جمعناها والياخت جاهز والناس قابلناهم .. وسعادتنا في سعادتهم .. وممكن تكون كويسين علي المركب .. نعامل دوله بلطف .. ونعامل دوله بلطف .. ونقبض برضك .. مش فيه أشغال .. المهم نجمع بعد تلات أيام للسفر لاسكندرية .. وفيه أتوبيس لنا ولفرقة البلابل .. وأتوبيس للغلابة .. أما الجماعة الأكابر .. فكلهم من بدري هناك .. شحن وتفريغ بقه ..!!
السكرتيرة : علي خيرة الله ..
سعداوي : وأنا نبهت علي الغلابة ، ونبهت علي مندوبين الصحافة والإذاعة والتليفزيون واحد من كل جهاز .. وواحد من الأجانب .. يبقوا أربعة .. وسافروا من بدري..
عبد الباقي : طاب النعيم لما لقيتك .. نسيت الصد وهويتك
يا وعدي ... يا وعدي
يا وعدي ... يا وعدي
السكرتيرة : يا وعدي .. يا وعدي
سعداوي : خايف اقولك على في بالي .. تجري وراي يا خالي
السكرتيرة : يا وعدي ... يا وعدي ( انسحاب تام )
( انسحاب تام )
" أتى يوم الافتتاح ... ودشن السفينة / السيد / ميمون عبد الباقي – الوجيه المعروف ، وتم تغطية الحفل صحفيا وإذاعيا وتلفزيونيا .. وعزفت الموسيقى .. عزف الافتتاح وأخذ القبطان مكانه .. واستلم الغلابة أعمالهم .. بجانب البحارة .. في أسفل السفينة .. واستلم المليونيرات .. كبائنهم .. وبوتيكاتهم .. وفي المساء .. بدأت حفلة كبرى .. هكذا أعلن رجال الإعلام المرافقين ..
عبد الباقي : يا الله يا سعداوي .. جهز فرقة البلابل ..
سعداوي : جاهزة ياجو !!
عبد الباقي : جــو ؟!
سعداوي : بدلعك .. مش أنت المايسترو
عبد الباقي : طيب ... خلصنا .. يالله .. يا جيجي .. أعلني
دخول الفرقة : وأنت يا سعداوي .. أنده الغلابة .. يتفرجوا .. دي أول السعادة
سعداوي : كل واحد في شغله ... مش فاضيين
عبد الباقي : مش فاضيين يعني إيه .. اشمعنى .. الكرومبات .. دول فاضيين ؟!!
سعداوي : مقدر .. عبد الباقي بك
عبد الباقي : خلاص أنده لهم .. الليلة دي بس
سعداوي : أمرك .. حاضر
" يصعدون من أسفل بالشحم والهباب "
الغلابة : من أولها شغل .. شحم وهباب ..!!!!!!!
" يا رتنا ماجينا .. ولا رحنا ولاجينا .. آه لو اللي كانوا يودعونا .. آه لو ييجوا يشوفونا .. سعادة .. سعادة في الشحم والهباب .. عجبي .. ورانا ورانا .. جوه الأرض أو في سفينة !!
سعداوي : خلاص بقه .. هاتفرحوا اهـه !!
الغلابة : يا فرحة ما تمت ...
عبد الباقي : يا الله يا غلابة .. قعدوا علي الكراسي .. هنا وهناك .. أيوه كده
المليونير : يا عبد الباقي بك .. الكراسي تتوسخ !!
عبد الباقي : معلهش .. هانضفها كلها .. !!
المليونيرات : يا الله .. أهم غلابة ..!!
بعد الباقي : أقدم لهم حاجة يا سعداوي
سعداوي : ويسكي .. شمانيا ..
الغلابة : بتقول إيه يا سعداوي بيه .. هات لنا شاي ولا اى حاجة
سعداوي : شاي هنا ... صعب قوي .!!. أمري لله أجيب لكم ليموناده ..
الغلابة : جميل قوي .. بس الناس دي بتشرب إيه .. ويسكي .. شمانيا
سعداوي : طبعا ... بس هم علي البر بيشربوا ليموناده .. وفي البحر .. يشربوا اللي انتو شايفينه !!
الغلابة : يبقى احنا لازم نغير .. ونشرب اللي بيشربوه في البحر !!
سعداوي :انا كان قصدي كده برضك .. أجيبلكم ويسكي .. شمبانيا ..
الغلابة : لا ... لا .. هات لنا ليمون ....!!
سعداوي : ماشي .. مانتو ها تغلبونا ..
الغلابة : زهقتم من أول شفطة !!
سعداوي : لا ودي تيجي .. دا احنا هنسعدكم ..!1
الغلابة : امانشوف ( بسخرية )
واحد من الأكابر : أبعد يا أنت ... هاتوسخنى ... !!
غلبان: يرد عليه : ما تخافش يا سعادة البيه ..
احنا زمايل هنا ..!!
واحد من الاكابر: يرد عليه : زمايل إيه وبتاع إيه .. دا كانت رحلة مهببة .. منك لله .. يا شحاته بيه ..
واحد من الغلابة : ما خلاص بقه .. الراجل ما يقصدش
المليونير : يقصد ولا ما يقصدش .. أهي رحلة والسلام
الغلبان (في سره )
: قال اوسخه ... قال .. وباين عليهم كلهم وساخه !
عبد الباقي : خلاص يا سعداوي ... كله تمام ..
سعداوي : تمام ياجو
عبد الباقي : طيب ... خلي الست تقدم الفرقة
سعداوي : قدمى يا ست جيجي
جيجي : سيداتي . سادتي
سعداوي ( يهمس لها ) : مافيش سيدات
عبد الباقي : أمال اللي في البوتيكات إيه ... كرملة !!
سعداوي : أنا فكرت يعني زوجاتهن !!
عبد الباقي : لا يا حدق .. ما بيجوش .. الحفلات اللي من دي ..
( يهمس له )
سعداوي : أنا كنت فاكر زي اللي في البر .. يسهلوا كل حاجة
( يهمس له )
عبد الباقي : احنا في البحر .. يا حدق !!
( يهمس له )
سعداوي : آه أنا كنت ناسي ..!!
جيجي : ( تتحدث ) للغلابة وللمليونيرات :
.. رحلة العمر يا أصدقائي
اليوم يومكم .. وهانحن نبحر من أجل السعادة
والآن نقدم لكم .. فرقة البلابل العالمية ..
بعض الحاضرين : عاوزينك يا ست .. أيوه يا ست
جيجي : النمرة اللي جايه .. والآن نقدم لكم فرقة البلابل العالمية .. يقود الموسيقى بيتهوفين ... الموسيقار والمايسترو المعروف .. الاستعراض من إخراج عبد الباقي بك ويساعده سعداوي بك ( يقف كلاهما وينحينان في احترام )
( تدخل فرقه البلابل ، في ملابس مزركشة .. رجال وحريم وفي استعراضات راقصه .. ثم تبدأ في الغناء لجماعي مع موسيقى مبدعة ... )
مجموعة أولي : أهـلا .. وسهلا .. أهلا .. وسهلا .. أهلا .. وسهلا .. شرفتونا .. شرفتونا .. يا أحلى الناس .. يا أغلى الناس شرفتونا ..
مجموعة ترد : أهلا ... أهلا .. أهلا .. يوم الفرحة .. يوم ماجتونا فرحتونا .. فرحتونا .. وسعدتونا ... وسعدتونا ..
الجميع : اهلا .. أهلا .. أهلا .. أهلا وسهلا .. أهلا وسهلا
( تصفيق حاد )
جيجي : والآن
( الأصوات تقاطعها )
الحاضرين : جيجي .. جيجي
( وتصفيق متوصل )
جيجي : أحبائي .. اعزائي .. بعد النمرة الجاية .. والآن نقدم استعراض المناسبه سارة لفرقة البلابل .. لنفس المجموعة ..
( هيه .. هيه .. تصفيق )
( وتبدأ في الغناء مع موسيقى مناسبة )
( ورقصه مناسبـــه )
نادوا في كل حارة ... نادوا .. كل جاره
بيتنا فيه زيارة ... المناسبة ســـارة
( ترد المجموعة الثانية )
أمنوا الحيارى .. طبعا مش خسارة
( ترد المجموعة الأولى )
بيتنا فيه زيـــــــــــــارة
المناسبة ســـــــــــــارة
والقريب أعـطـــوه ( ترد المجموعة الثانية )
والحسب والنسيب واللي اصله عالي
طبعا مش خســــارة ( ترد المجموعة الأولى )
المناسبــة ســــارة
والخسيس أرمـــوه ( ترد المجموعة الأولى )
والغريب واللي أصله خالي
طبعا مش خســــــارة ( ترد المجموعة الثانية )
المناسبة ســـــــارة
نادوا في كل حارة ( ترد المجموعة كلها )
نادوا كل جــارة
المناسبة ســـارة
بيتنا فيه زيـــارة
نادوا .. نادوا .. .نادوا
طبعا مش خسارة
طبعا مش خسـارة
( الأصوات تعلو .. جيجي .. جيجي .. ) ( تصفيق حاد متواصل )
سعداوي : إيه الأغاني ، دي يا عبد الباقي بيه
( يهمس )
إحنا مااتفقناش علي كده
عبد الباقي : ما هي ماشية مع الجو
سعداوي : بس دي .. ماشية مع المليونيرات بس... الغلابة هيزعلوا .. كده
عبد الباق : لا .. يا حدق .. ما فيها حته ليهم برضك ... أمنوا الحياري .... طبعا مش خسارة ...
سعداوي : والله كلنا محتارين .. والمليونيرات محتارين يعملوا إيه ... والغلابة محتارين خلقه .. وبعدين قولي .. فين الحارة وفيه الجارة ...
وسط الأمواج دي
عبد الباقي : يا سيدي ما تفلقنيش ... وما تقفليش علي الواحد كده ... هي أغنية استعراضية راحت ولاجت
سعداوي : والله أمرك .. أمرك يا سيدي !!
عبد الباقي : طيب بقه .. بس خلاص .. خش قدم الست ..
سعداوي : والآن سيداتي .. سادتي ( يتقدم للميكرفون ) آنساتي .. مليونيراتي غلاياتي .. نقدم لكم الراقصة المليونيرات ... الغلابنية .. جيجي جيجي أبو الدهب ..
( تصفيق وآهــات )
( الموسيقى تلائم الموقف )
الكورس : علي واحدة ونص .. وهز وهز .. وانت وهو .. كبير وصغير .. علي واحد ونص
المليونيرات : علي واحدة ونص .. يا ست يا ست .. وهز وهز .. علي واحدة ونص
وأنت وهو .. كبير وصغير .. هس وهس ( الخمرة تلعب بهم ويرقصون معها )
الغلابة : أهو ده الرقص ولا بلاش .. يا دي السعادة والهنا .. والأرانب جنبنا يا دي السعادة والهنا .. والرقص رقصنا .. أهو ده الرقص ولا بلاش
المليونيرات : الرقص مايه المايه .. والنسبة عشر الماية .. والغلابة مهلبية
( في انسطال تام )!!
والغلابة مهلبية .. ورقصني يا جدع .. علي واحدة ونص
وهز وهز .. وهس وهس
" أثناء الرقص ، والجميع في انشراح يدخل القبطان .. صارخا .. في الجميع .. وهم لا هون عنه .. وأخيراً .. ينجح في إيقاف الرقص ..
القبطان : هس .. هس .. أنت وهو .. فين ريس عبد الباقي .. فين رجال إعلام .. فين سعداوي .. فين جيجي ..
رجال الإعلام : فيه إيه يا كابتن .. كل شىء ما شى تمام .. ..إحنا علي طول رسايلنا .. بنرسلها أول بأول ..
القبطان : رسالة إيه وبتاع إيه .. محركات مركب .. وقف !!!!!!!!!!!!!
الجميع : يا ساتر يا رب .. ( يهلع )
القبطان : شعب مرجانية... باين كسرت المراوح .. ومايه .. لزما تخش في مركب... مركب قديم .. مكسر .. دي مركب دى ..!!!
عبد الباقي : وفين شطارتك يا فصيح .. ما أنت شفت المركب .. وقلت .. مركب تمام .. كل تمام !!
سعداوي : شاطر لي .. لماضة .. وأنا أنتحر .. وأنا وأنا .. وطلعت براني خالص
القبطان : عيب مستر سعداوي .. أنا عملت اللي علي ..
سعداوي : هي حكمة دايما أقولها .. ما أخيب من ستي اللي سيدي .. أصرف يا حدق بقه
المليونيرت : أموالنا .. فلوسنا .. تحويشة العمر
الغلابة : ولادنا .. عيالنا .. شقى العمر
الإدارة : حياتنا .. نعيمنا .. ملاذنا
رجال الإعلام : رحلة ممتاز فنيا .. أخبار نكسب بيها دهب .. جه وقتنا !!!!!!!!!
( كل منهم – يتحرك ويعمل )
سعداوي : مصائب قوم .. عند قوم فوائد .. اشتغلوا يا خويا ... بس لو عدتم !!
رجال الإعلام : حياتنا ... فدي مهنتنا
سعداوي : بس كان أحسن .. لو رحتوا للخطر ... برجليكم .. انتوا جيتوا له بالصدفة البحتة
رجال الإعلام : أعظم الأخبار .. صدفة !!
القبطان : هانعمل إيه .. هانعمل إيه .. يا ريس عبد الباقي ؟؟!!
عبد الباقي : بتسألني .. هانعمل إيه .. يا خبتي فيك .. لماضة وبس .. ما أنخدش منكم غير لماضة
السكرتيرة : إصرف يا أخي
سعداوي : وهي جزيرة النعيم لسة بعيدة ؟!
القبطان : ما فيش جزر نعيم هنا .. بس فيه جزيرة واحدة قريبة
الجميع : فين .... ؟!! ( بلهفة وشوق وفزع )
القبطان : علي بعد أربعة ميل ...
سعداوي : يمكن تكون هي ؟!
عبد الباقي : طبعا هـي !!
السكرتيرة : يبقى خلاص .. نمشى المركب الشوية دول ... ونقفل الخرم بأي حاجة !!
القبطان : مش ممكن .. المركب ماليانة أخرام ..!!!
الجميع : لزما تودينا ... جزيرة النعيم ( بفزع )
القبطان : كفاية بقة ... ما فيش جزيرة نعيم .. !!
الجميع : أمال اللي أنت بتقول عليها إيه دي اسمها إيه ....؟! ( بفزع وترقب )
القبطان : جزيرة النعيم لا .. فرقت بنط .. اسمها ... جزيرة النعام .. !!
سعداوي : لزما كنت ساكن فيها ( بسخرية )
الجميع : يا خسارة .. يا خسارة
المليونيرات : أموالنا ... فلوسنا + ... تحويشة العمر
الغلابة : ولادنا .. عيالنا .. شقى العمر
سعداوي : كفاية بقى ... أنت وهـو – وهـي ..
( يفكر بعمق والجميع في ترقب وصمت )
القبطان : لسه بتفكر ( بقلق )
سعداوي : المفروض أنت اللي تفكر ... وبعدين انت ما تتكلمش خالص ... فاهم
القبطان : فاهم مستر مستر سعداوي ...
سعداوي : بعت استغاثة .. أس .. أس ..
القبطان: لا..لا........لا
سعداوي : ومستنى إيه .. أجرى قوام .. ابعتها
القبطان : ما فهمش في الشفرة !!!
سعداوي : أمال عامل فهيم قوي ... داك نيلة وأنت باين عليك .. تفهم في الفشرة بس !!! والموجة .. أنا أنتحر!!! ... واللي .. أنا انتحر !!!.. واللي .. أنا انتحر !! أنا أفهم بحر كويس قوي..!! والسمك .. !! احرى بعيد عني ... فيه حد يا جماعة يفهم في الشفرة البحرية ؟؟ !!
( صوت من بعيد ، يتقدم ... أنا .. )
الجميع : ميــن ؟؟؟!!!
المليونيرات : غلبان .. غلبان من الغلابة ؟! ( بتعجب )
الغلبان : أيوه .. غلبان من الهلافيت .. اللي ما أنتوش .. عارفين قيمتهم .. إلا في وقت الجد..
عبد الباقي : أنت مين ...؟؟!!
الغلبان : أنا الميكانيكي !!
السكرتيرة : ودا إيه اللي علمه الشفرة ؟!
الميكانيكي : أنا كنت في سلاح البحرية في الجيش عشر سنين .. في الإشارة البحرية
سعداوي : طب قم باللازم ...
الميكانيكي : قبل ما اقوم باللازم .. كل واحد منكم يدفع 50% من اللي معاه ..
المليونيرات : كلكم طماعين .. غلابة نماريد !!
الميكانيكي : خلاص المركب هاتغرق ... بكل اللي فيها ..
الغلابة : واحنا ندفع منين ؟!
الميكانيكي : انتم معفيين ...
المليونيرات : خلاص هاندفع 25%
الميكانيكي : 50%
المليونيرات : دا انتو طبقة .. تتمسكن .. لحد ما تتمكن ( بنرفزه )
الميكانيكي : مش كفاية .. لحستم النعيم لوحدكم ..!!!!!!!!!!!!
الغلابة : معاك حق .. لاشفنا نعيم ولا سعادة كله ضحك علي الدقون ..
الميونيرات : طب اصرف واحنا ندفع
الميكانيكي : اكتبوا ورق عليكم
المليونيرات : امرنا لله
الميكانيكي : بسرعة .. الوقت ضيق ..
الإدارة : واحنا نكتب
الميكانيكي : وانتوا كمان .. ما انا عرفت كل حاجة
سعداوي : ادفعوا يله أنت وهـو ..
الجميع : هو انت معاه ...؟!! (بتعجب )
سعداوي : أمال .. مش أنا صعلوك ..!!
عبد الباقي : بتسيبنا يا سعداوي
سعداوي : خلاص يا عبق .. سعداوي ما عدش صعلوك .. سعداوي فايق لكم ولأمثالكم
من الأول ..
السكرتيرة : وأنا يا سعداوي ؟؟!!
سعداوي : سيبتي شغلك وغيرتيه ... من الأصابع إلي السيقان .. عاوزة إيه تاني ؟!
عبد الباقي : والعمولات اللي أنت واخدها ...
سعداوي : ردتها للشعب .. اتبرعت بيها
الميكانيكي : ما هو ده كله مال الشعب
الغلابة : أيوه مال الشعب
عبد الباقي : ما احنا عملنا الرحلة .. دي للشعب مش أنتم ممثليه ... مش سعدناكم
وكنا هانسعدكم كمان وكمان ... !!
الغلابة : احنا ما شفناش سعاده أبدا .
حتى جزيرة النعيم ... طلعت نعام ...!!
المليونيرات : انتو سبب النكسة دي ... ما انتوش وش نعمة ... تقوموا .. عاوزين تاخدوا النعيم كله...؟؟!!
الميكانيكي : الوقت بيجري ... وقعوا ..
( يوقعون وهم فى ضيق)
الميكانيكى: استلم الأوراق
يا أستاذ سعداوي ...
سعداوي : كله .. خلاص كله وقع ..والاوراق معاى يامنقذ
المليونيرات والادارة :شوفوا الواد ماية من تحت تبن !!
سعداوى : من تحت تبن من فوق تبن ماخلاص انكشفتم واللى كان كان!!
الميكانيكي : أنا لصمت الخرم الكبير !!... وبعت رسالة الإغاثة الدولية .. وفيه مركبين جايين .. اللي يحب يركب .. يركب وفيه لنش جاي يقطرنا .. لجزيرة النعام .. اللي يحب يفضل .. يفضل
( يبتسم ابتسامة غامضة )
سعداوي : ها نصلح المركب ... ونرجع عليها ... اللي يحب يرجع يرجع ..
المليونيرات : يا ولاد الأبالسة .. ومخببين علينا .. هاتوا الورق ... هاتوا الورق ..
سعداوي : اللي ها يقرب لي ... أنا ها أقتله ..
الغلابة : اللي ها يقرب له .. هاندبحه ..
( تسمع صفارات المراكب .. من بعيد .. وتقترب تدريجيا حتى تصل يستخدم الديكور اللازم أوشاشه خلفية )
أصحاب المركب الأول : احنا راحيين الشرق ، اللي يحب بيجي معانا بيجي .
بعض الأصوات : خدونا معاكم .. خدونا معاكم ... أنقل حول ... كله .. البضائع كلها
( بنقلون بضائعهم وينتقل معها رجالهم )
أصحاب المركب الثاني : واحنا راحيين الغرب ، اللي يحب بيجي معانا بيجي
بعض الأصوات : خدونا معاكم .. خدونا معاكم ... انقل .. حول ... كله .. البضائع كلها
(بنقلون بضائعهم وينتقل معها رجالهم)
الغلابة : وانتو هاتسيونا .. احنا لا مشرقين ولا مغربين ..
( تبدأ ألمركبان في التحرك )
أصوات من بعيد :
خليكو .. خليكو!!
ده النعيم كله عندكم .. مش دي مركب النعيم .. أسعدهم يا سعداوي بك وانت يا ميكانيكي بك .. !!!!!!!!!(بسخرية )
سعداوى : والورق اللي انتوا ما ضيينه ...
الأصوات : بله وأشرب ما يته ...!!
سعداوي : مع السلامة يا عبد الباقي بك .. مع السلامة ياجيجى هانم مع السلامة يابهوات !!
على فكرة اقدم لكم نفسي .. أنا مفتش ضرائب !!
عبد الباقي : يا بن الإيه .. وكاتم من زمان .. وراي .. وراي .. دا كله خطأك
يا جيجي .. قولت ليكي .. عاوز صعلوك .. طلع مفتش ضرائب تاني أه ياني .. أه ياني
ميكانيكي : وعلي فكرة يا جماعة ... ( مافيش داعى للشكل وللخناق .. واللنش راجع معانا بس موش هايقطرنا ..احنا راجعين بالمركب)
أنا قبطان .. أيوه قبطان .. والمركب سليم .. أنا عطلت الآلات بس
الجميع : يا ابن الإيه عملتها فينا ..
سعداوي : طب ما انتوعملتوها فينا ودايما بتضحكوا علينا .. هو فيه جزيرة إسمها النعيم ..؟!! ولا رحلة اسمها النعيم .؟!. دا النعيم بتاعكم .. طلع فالصو ايوة فالصو .. نعيم غائب مالهوش وجود شفطونا فى البر وفى الجو واخيرا فى البحر
المليونيرات : وأنت الصادق .. النعيم العائم
عبد الباقي : النعيم العائم ... الغائب .. أهو كله اسمه نعيم
السكرتيرة : وعلي فكرة فيه حاجة اسمها الرقص العائم !! (تصحك باستهتار )
الغلابة : روحوا في داهية ... داهية تاخدكم وانتوا بتلعبوا ا بينا طول حياتنا... قال إيه النعيم .. دا نار المجاري ولا نعيمكم الفالصو يافالصو!!
الميكانيكي : دور المركب يا سعداوي زي ما علمتك وكله واحد منكم يساعد .. خلاص راجعين
تدور المركب وتعود
العائدون فى سعادة ..ينشدون ، بما فيهم فرقة البلابل
رحنا وجينا بألف سلامة
لا شفنا نعيم ولا حتى هناوة
وحتى نعيمكم أصله نعامه
رحنا وجينا يألف سلامه
لا شفنا حمامة ولا حتى يمامه
ولقينا الويل بألف علامة
وبعض الناس ما لهوش أمانة
رحنا وجينا بألف سلامة
وسالمة ... يا سلامة .. سالمة ... يا سلامة
( يتسربون تدريجيا وينخفض صوت الغناء حتى يتلاشى )
تمت
ليست هناك تعليقات:
إرسال تعليق