حوار الإبن والأم أغنية طويلة *شعر غنائى بالعامية المصرية :ناجى عبد السلام السنباطى

حوار الإبن والأم أغنية طويلة 
*شعر غنائى بالعامية المصرية :ناجى  عبد السلام  السنباطى
*نشر هذا بكتابى نظرات احباب الصادر فى الكويت عام 1980
*الصفحات من (50-61)
*هذه مهداة لأمى ولكل أم... فالامهات متشابهات إن لم يكن متماثلات فى المشاعر والحنان لأولادهم
*وأهديها لكل أم
*وهناك قصيدة أخرى منشورة بنفس الكتاب باللغةالعربية سوف انشرها فيما بعد
************************************************** *************** 
*أمى
*أمى..ياامى
*ياأحلى ..أم فى الحياة
**
*نفسى ياأمى ** تطلبى كل مناك
*نفسى ياأمى** تطلبى عمرى فداك
*اطلبى روحى
*اطلبى قلبى
*اطلبى عينى
*اطلبى نفسى
*تلاقينى **ياامى معاك

**********
*دا انت
*زى الشمعة قايدة للجميع فى الظلام
*واحنا
*زى الموجة جارية فى البحور للامان
*أمانك
*دا احنا
*زى الدمعة حايرة فى العيون م..الالام
*فى غيابك
****************************
*أمى يااحلى ام فى الزمان
*أمى يامنوره طريقنا فى الظلام
*أمى ياماشية . فوق الالام
****
*أمى ياأحلى كلمة يقولها قلبى
*أمى ياأحلى غنوة عرفها حبى
****
*أمى يارحلة سايرة م.زمن طويل
*امى يامالبسانى توب الحرير
*أمى ياواخدة من قوتك لقوتى كتير
****
*فاكر زمان وأنا طفل صغير
*فاكر حنان ك وانا شاب كبير
*فاكر أمان ك وأنا حاير ذليل
*************
*ياما قلتى
*فيك ايه ياابنى؟!
*شايل هموم الدنيا فوق دماغك
*افرش ياابنى الأرض بامانك
*الله قادر .... يرأف بحالك
******
*إن شالله 
*شايفة .... حلم كبير
*شايفة .... خير كتير
*هتكون مدير!!
*لأ
*هتكون وزير!!
*****
*أمى الحبيبة....جوة قلبى.... من ....زمان
*ليه ..ياأمى؟!
*لجل ....الزمان
*هو انت
*انت اللى ..جبت الحنان
*انت اللى..شلت الالام
****
*انت اللى شدا عزمى
*انت اللى سنده خطوى
****
*كنت بمرض....وانت تداوى
*كنت بتكدر....وانت تدارى
****
*كنت لابس بحبك
توب الامان
*كنت حاسس بحبك ذوق الليالى
****
*فى يوم............
*فى كل ....انام
وانت صاحيه..........
*فى كل ليلة...............ماتنامى
****
*خايفة على من الاحلام
*خايفة على من الشيطان
*.................... يقلق منامى
****
*آه........ياامى
*يااحلى.....قمره فى الفلاه
*رايحة.... جاية تزرع حياه
****
*آه.....ياامى
*آه من حنانك
*لومالولى بحور الدنيا....ماتساوى حنانك
*لوقالولى 
*فى الدنيا حب ادى حبك ..مالاقى مثالك
****
*انت اللى ربتينى صغير
*انت اللى عيشتينى فى خير
*انت اللى قلت كتير
****
*ابنى الحبيب
*يااعز حبيب
*خد بالك من طريقك
*حاسب وانت ماشى
*خد بالك ارعى ضميرك
*حاسب نفسك تمللى
****
*آه ياامى
*يااحلى ام فى الحياه
*يانسمة هبه فى الفلاه
*تنزل مطر تزرع حياه
*آه ياامى
*يابسمة فوق الشفاه
*يانجمة فوق الجباه
****
*انت حبيبتى وانا طفل وانا شاب
*لسه برضه فى قلبك شباب
*لسه شايفانى صغير
*زى طفل الامس واكتر
****
*كنت تدينى الحنان
*وتنادينى
*خللى بالك من طريقك
*حاسب وانت ماشى
*راعى ضميرك
*حاسب نفسك تمللى
****
*آه ....ياامى
*امى الحبيبة
*عارف انك مريضه
*وفاكر قولك تمام
*بعدك عنى الام
*بعدك عنى عذاب
*زى شوك الحراب
****
*لكن
*علشان....مرادك
*علشان....حياتك
*راضية انا بنصيبى
*راضية انا بنصيبك
* حزينة وصابرة
*بعدك عنى فريضة
****
*فاكر قولك لطيرك
*فاكر سرك لطيرك
*روح ياطير وياطيرك
*روح ياخير وياخيرك
*بدعى لك من قلبى
*بدعى لك وبحبى
*روح قلبى راضى عليك
*روح حب غالى ليك
****
*داانت نصيبى فى الدنيا ديه 
*داانت حبيبى فى الدنيا ديه
*ايه باقى لى من حياتى
*باقى انت حياتى
*ايه باقى لى من مرادى
*باقى انت  مرادى
****
*روح وافتكرنى
*ايوة افتكرنى
*ورسايلك
*(لاتشيلها)
*يمكن تطمنى
****
*خليها ....خليها
*تيجى
*زى ماية م.السما
* تيجى
*تزرع البور جناين
*تيجى
*تدوب الجفا اللى حاين
****
*كل يوم ابعت جواب
*فيه شوق او عتاب
****
*كل يوم عاوزه اشوفك
*كل يوم حامسك بصورتك
*وابوس عينيك
*وابوس ايديك
****
*ابنى الحبيب
*وانت بعيد عنى
*هاعيش غريبة
*زى فكره شريده
*هاعيش حبيبه
*بين اهلى
*لكن بعيده
*بعدك عنى
****
*آه ياامى
*يااحلى ام فى الحياه
*آه ياامى
*ياكلمه حلوه صاغها الاله
****
*فاكر قولك فى ليلك
*روح قلبى راضى عليك
*روح حبى غالى ليك
*روح وافتكرنى
*ايوة افتكرنى
*****
*كل يوم ابعت سلام
*افتح الراديو
*على الاغانى الحلوه
*باعتاالك كلام
*على العيون والغربه
*على الجفون السهره
*على الليالى
*اللى ضاعت من حياتى
*وانت بعيد عن حياتى
*****
*آه ياحبيبى
*صابره على الغربة صابره
*صابره على الفرقه صابره
*آه ياحبيبى
***


*لما تكون جنبى..كل الدنيا تفرح
*الشجر يخضر
* والسما تمطر
*والورد يزهر
*والارض تعطر
*جوها
*تذوق نفسها
*لجل عريسها
*جايها
****
*لما تكون جنبى كل الحب يطرح
*اغانى وربيع وفنون ومسرح
****
*آه ياحبيبى
*يااحلى ابن فى الوجود
*يااحلى منى وم.الوجود
****
*يوم سافرت
*كان كلامى
*روح وسافر
*وافتكرنى
*ولما تيجى بالسلامه
*يكون كلامى
*اوعى تانى 
*تغيب عنى
*يوم تانى