طويت العمر *********** *المصدر:كتابى لاتلومونى1981 صفحة18

طويت العمر

***********

الصادر فى الكويت*المصدر:كتابى لاتلومونى1981 صفحة18

******************************************************

*طويت العمر

* بقلم ناجى عبدالسلام السنباطى

***************************************

*طويت العمر....صفحة ورا صفحة..

*ونسيت الغدر....خطوة ورا خطوة..

*وقلت أغنى للحب..غنوة ورا غنوة..

*أشيل فى ايدى سلاح الصبر والمغنى..

*أشيل همومى فى قلبى وعقلى م الدنيا..

***********

*كنت عاشق حب الناس دليل

*كنت فارش حبى..لألف جيل

*كنت أنا

*أنا اللى بفكر فى زمانى وزمن غيرى

*أنا اللى بنسى فى عيونى ..آلامى

*لأجل أنور شمعة فى الظلام

*صرت أنا

*شوكة نايمة فى الحشا من عام

*حنظل المر والفكر..شربته من تانى

*....................... واللوم نامى!!

***********

*ماتت شفاهى من زمن عدا

*كانت بسمتى ...رمز تحدى

*كانت ضحكتى........وردة

*كانت غنوتى..........بسمة

********************

*ضاعت بسمتى ....شاردة

*صارت ضحكتى....باردة

*وغنوتى...................

*..مالت ...

*مالت...مالت

*زى مركب فى بحر أمواجه....عالية

*نادى بحاره........

* .....هانت...هانت...هانت

**********

*كان عنده أمل فى البر....قرب

*كان عنده حلم فى الحب...جرب

*لكن ياعينى على بحارى....

*موج البحر كان عالى....

*سحب مركبه....فى الموجه

*وموجه ........ ورا موجه

*تخنقه....تسحبه....جوه

*******

*هناك...نامت الأحلام***نامت....فى حضن الزمان

*وأنا فى العمر....صفحة ورا صفحة...يطويها..غدر الزمان